PRU COM

[vasconica]

. camnel ſongor geyto wyms ſalli gnabſen ſkunna heida warum . Dewes Angol Maiſta Ludis kayme kampnit klint Songos Rickies Wunda Pewo Roggis gaide Maiſe Meinſe geitke ſauſon Malko widre gaulko rancko Noye Wiſtna Norte lickte botte ſaika gerbeis greki kirko Paſtenick kekits peentis Moicte Pogeis wolgeit wimbmis plateis Sali kelmo gerte Abbas kragge ſchneko Skaura Soye Salta Debica Licuti Gema Supana Merga maltnicka Docki muthi thaus metthe nackt labbis Sur Ancte keilo mynkus kraiſe Salme gnabſem paute lnncka ſkuna lyda bila lino moſla Caneips augle ſchuto kreitzno gaſſo Woikello kalte korpe piſda pomeleis lapinna Deigen Jmants Comatter Manga Ny thueri thu Dam thoi Warmes Wobelke Warmes Wobelke Pipelko kayat thu Warbo thi Dewes Sanday Dirſos ginthos Mangos Sones Maiters Ny koyto . Dewus Angol Maysta Ludysz Cayme Camnet Clynth Songos Ryckie Wunda pewo Ruggis Gayde Mayse Gaytko Sause Nalco Wydra Galbo Rancko Noye Wilna Narthe Licte Gotte Saycka Gerbaisa Grekoy Kyrkoy Pasteygo Keckirs Pentes Meicte Pogeys Walge Wynis Plateys Sal Chelmo Gertis Abbas Cragge Sneko Skaura Salta Debica Licuti Gemia Supana Merga Haltnyka Dochti Muti Tawe Mette Labbis Sur Aucte Peile Crayse Salme Gnabsem Pawtte Luncka Skuna Meida Byla Lynno Moska Angle Scuto Glasso Waykello Calte Corpe Peisda Pomeleis Lapinna Deytu Ymays Comatter Manga Warnm Wabelcke Pipelco Say dit Sanctay Dyrsosgyntos Mangoson Maytter Nykoitu Wyszge Schostro Kyrteis Tickers Mergusz Pirmas Eikete Iest Gosen . maiſta kummeles Malcko botte paſtnigo peyle gnapſem laucka ageida wabelco dyrſos gintos eyckete . Dewes does dantes Dewes does geitka . sta nossen rickie nossen rickie . dewus angol mayſta ludyſz cayme camnet clynth ſongos rickie wunda pewo ruggis gayde wayſe geytko ſawſe nalko wydra galbo rancko noye wilna northe licte gotte ſaycka gerbaiſa grekoy kyrkoy paſtnygo keckirs pentes meicte pogeys walge wynis plateys ſal chelmo gertis abbas cragge ſneko ſkawra ſalta debica licuti gemia ſupana merga haltycka dochti muti tawe mette labbis ſur aucte peile crayſe ſalme gnabſem pawtte luncka ſkuna meida byla lynno moſka angle ſcuto glaſſo woykello calte corpe peiſda pomeleis lapynna deyen ymays comatter manga warmun wabelcke pipelko ſaydit ſanday dyrſoſgyntos mangoſon maytter ny koytu wiſge ſchoſtro kyrteis tickers merguss pirmas eykete ieſt goſen . Towe Nuͤſze kass eſſe andangonſvͤn ſwyntinſ . Kayle rekyse thoneaw labonache thewelyse Eg koyte poyte nykoyte penega doyte . Ocho moy myle ſchwante panicke O hoho Moi mile swente Pannike O ho hu Mey mile ſwenthe paniko O mues miles schwante Panick Kelleweſze perioth Kelleweſze perioth kelleweſe periothe kelleweſe parioth trencke trencke Kaileſs noussen gingi Kails nauſſen gnigethe Kayles mauſe gygynethe Kailes nanſe geigete Geygey begeyte pockolle Beigeite beigeite puckolle Beigeite beygeyte peckolle Geygeythe begoythe peckelle Geygeythe Begaythe Pekelle Begaythe Pokulle geigete begeigete Packolle Kayles poſkayles enis perandros Kayles poſtkayles eins periandros Kails poſkails ains par antres Kailes puſzkailes ains Petantros Poſz Kayleſz kayles eines peranteres . Staey deſſempts Pallapſaey Pirmas Thou ni tur kittans deiwans turrettwey Anters Thou ny tur ſchan emnen twaiſe deiwas ny anterpinſquan menentwey Tirts Thou tur ſchan lankenan deinan ſwintintwey Ketwerts Thou tur twaian thawan bha muttin ſomonentwey Penckts Thou ny tur gallintwey Wuſchts. Thou ny tur pattiniſkun lembtwey Sepmas Thou ny tur rancktwey Aſmus Thou ny tur falſch widekauſnan waitiatun preiken twaien tawiſchen Newints Thou ny tur pallapſittwey twaiſei tawiſchis buttan Deſſimts Thou ny tur pallapſittwey twaiſei tawiſchis gennan waikan mergwan pecku ader katanaſſen aſch Stas Droffs AS drowe an Deiuan Thawan wiſmoſing kas aſt taykowuns dangon bah ſemmin Bah an Jeſum Chriſtū ſwaian ainan Sunun nuſun rekian Kas patickots aſt aſſaſtan ſwintan naſeilen Gemmons aſſaſtan jungkfrawen Marian Stenuns po Pontio Pylato ſcriſits aulawns bah encops Sammay leſuns preipekollin Tirtin deinam att ſkiwuns aſſa gallans Vnſey gobuns andangon Sindats preitickray Deiuas wiſmoſingis Thawas Stwendau pergubuns wirſt preyleiginwey ſtans geiwans bha aulauwuſſens As drowe an ſwintan naſeilen Ainan ſwintan krixſtianiſkun kirkin Ainan perroniſcon ſwintan Et werpſannan grecon At ſkiſenna menſchon Ba prabitſcun geiwin Amen Sta Thawe nuſon Thawe nuſon kas thu aſſe andangon Swintints wirſt twais emmens Pergeis twais laeims Twais quaits audaſſeiſin na ſemmey key audangon Nuſan deininan geittin dais numons ſchindeinan Bha atwerpeis noumans nuſon auſchautins kay mas atwerpimay nuſon auſchantnikamans Bha ny wedais mans enperbandan Sclait is rankeis mans aſſa wargan Amen Aſſa ſtan Crixtiſnan Nuſon Rekis Chriſtus bela prey ſwaians maldaiſins Jeithy en wiſſan ſwetan mukinaity wiſſans poganans bha crixtity dins en emmen Thawas bha Sunos bha ſwinte Naſeilis Kas drowe bha crixtits wirſt ſtas wirſt deiwuts Kas aber nidruwe ſtas wirſt proklantitz Aſſa Sacramentan bietis eden Nuſen rickis Jeſus Chriſtus anſtan nactin kadan proweladin ymmits ſtan geittin dinkowats bha limatz bha daits ſwaimans maldaiſemans bha belats ymaity ſtwen edeitte ſta aſt mais kermens kas perwans dats wirſt ſtaweidan ſegeitty prey mayan meniſſnan Staſma polleygo jmmitz deyg ſtan kelkan pho ſtan betten eden dinkowatz bha daitz ſwaimans maldaiſemans bha belats jmmaitty ſtwen bha pugeitty wiſſay is ſtaſma ſchis kelchs aſt ſta nawans teſtamentan an maian kraugen kha perwans palletan werſt pray att werpſannan grekun ſteweydan ſegeitty kodeſnimma yous pogeitty pray maian meniſnan . Staey deſſimpts Pallapſaey Pirmois Tou ni tur kittans deiwans turryetwey Anters Tou ni tur ſten emnen twayſe deywas nienbenden weſtwey Tirtis Tou tur ſtan lankinan deynan ſwyntintwey Ketwirtz Tou tur twayien thawan bhe mutien ſmunintwey Pyienkts Tou ni tur gallintwey Vſts Tou ni tur ſalobiſquan limtwey Septmas Tou ni tur ranktwey Aſmus Tou ni tur reddi weydikauſnan waytiaton preyken twayien tauwyſchen Newyntz Tou ni tur pallapſitwey twayſis tauwyſchis butten Deſſympts Tou ni tur pallapſitwey twayſis tauwyſchies gennan waykan mergwan pecku adder kataneſſen heſt Stan Druwin ES drowy en Deywan Thawan wiſſemokin kas eſt tykynnons dengon bhe ſemmien. Bhe en Jeſum Chriſtum ſwaien aynen Sounon nouſon reykyen Kas pagauts eſt heſe ſwyntan naſeylien Gemmons eſeſtan jungprawan Marian Styienuns po Pontio Pylato ſkreſitzt aulauns bhe enquoptzt Semmay lyſons prey pykullien An tirtien deynan etſkyuns heſe gallans Vnſei gubons nadengon Syndens preytickaray deywas wyſſen mukis thawas Stwendau wirſt pergubons leygenton ſtens geywans bhe aulaunſins Es drowy en ſwyntan naſeylien Aynan ſwyntan krichſtianiſquan kirken Perroniſquan ſwyntan Etwerpſennian griquan Etſkyſnan menſes Bhe prabuſquan geywien Amen Stan Thawe nouſon THawe nouſon kas thou eſſe ændengon Swyntits wirſe tways emmens Pareyſey noumans twayia ryeky Tways quaits audaſeyſin naſemmiey kay endengan Nouſon deyninan geytiey days noumans ſchian deynan Bhe etwerpeis noumans nouſon anſchautins kay mes etwerpymay nouſon anſchautinekamans Bhe ni wedeys mans enperbandaſnan. Slait isrankeis mans eſſe wargan Emmen Aſſe ſtan Crixtiſnan Nouſon rykyes Jſus Chricſtus byla prey ſwayiens maldayſins Jeiti en wyſſan ſwytan mukineyti wyſſens poganens bhe Crixtididiens en emnen Thawas bhe ſounons bhe ſwyntas naſeylis Kas druwe bhe crixteits wirſt ſtes wirſt deywuts kas nidruwe ſtes wirſt preclantyts Aſſa Sacramenten bytis ydi Nouſon reykeis Jſus Chricſtus anſtan naktin kaden proweladin ymmeits ſten geytien dinkautzt bhe lymuczt bhe dayts ſwaymans maldayſimans bhe bylaczt ymayti ſtwen bhe ydieyti ſte eſt mays kermens kas perwans daeczt wirſt Steweyden ſegeyti premayien meniſnan Steſmu poleygo ymmeyts deygi ſten kelkan poſtan bitans ydi dinkauczt bhe daits ſwaymans maldayſimans bhe bilats ymmayti ſtwen bhe puieyti wyſſay iſteſmu Sis kelkis eſt ſte neuwenen Teſtamenten en mayiey kreuwiey ka per wans praliten wirſt prey etwerpſennian griquan Stewidan ſegeyti kudeſnammi joes puietti prey mayian miniſnan . Deywis Rapa Dangus Lauxnos Deynayno Paycoran Saule Menig Wupyan Pyculs Cawx Mettan Dagis Aſſanis Semo Sawayte Nadele Ponadele wiſſaſeydis Poſſiſſawaite Ketwirtire Pentinx Sabatico Same Laydis Sixdo Layſo Grabis Dambo Padaubis Rawys Stabis Panno Anglis Soanxti Knaiſtis Pelanne Plieynis Dumis Pore Gorme Goro Sari Lopis wins Kupſins Aglo Mercline Suge Percunis Grumins Mealde Wetro Keytaro Snaygis Ladis Paſſalis Groſis Wundan Aſſaran Wurs Ape Salus Apus Mary Luriay Smonenawis Glawo Scebelis Kexti Stordo Kerpetis Strigeno Mulgeno Pleynis Arglobis batto Pergalwis Paſſoles Agins Weydulis Wubri Auſins Dmſkins Nozy Noſeproly Gremſde Snoxtis Auſto Ponaſſe Warſus Dantis Dantimax Jnſuwis Dangus coſy Gurcle Laygnan Scalus Wanſo Bordus winſus Stroio Pette Caymoys Pettis Rikiſnan Pettegiſlo Jrmo Alkunis Peles Woltis Kuntis Jnſtixs Pirſten Krumſtus Nagutis Kraclan Spenis Grauwus Grabwe Weders Nabis Seyr Lagno Plauti Bluſne Jnxcze Grobis Draſtus Tuſawortes Weders Jnſtran Dumſle Dolu Straunay Ponman Culczi Slaunis Klupſtis Aulis Yccroy Kulnis Knnchel Nage Pamatis Pentis Plaſmeno Nagepriſtis Spertlan Nowis Giwato Duſi Menſo Caulan Kento Welgen Ennoys Eyſwo Crauyo Melne Gunſix Kirtis boadis Brokis Metis Kruwis Golis Towis Mothe Thetis Ane Brote Sweſtro Sunaybis Thewis Awis Moazo Patowelis Pomatre Paſſons Poducre Komaters Tiſties Ludis Ludini Smoy Genno Maldenikis Wayklis Gewineis Mergo Buttan Clenan Pocorto Sulis Stacle Seydis Lunkis Sando Sparis Pellekis Gertis Stogis Riclis Lubbo Talus Kamerco Laſto Warto Dauris Lapiwarto Lanxto Accodis Perſtlanſtan Clumpis Creſlan Soſto Stalis Stubo Stabni Kamenis Pelanno Proglis Paſſupres Staldis Rindo Aboros Seweynis Pracartis Calene Coaris plonis Jlmis Steege Artoys Samye Gaſto Moargis Redo Aſy Lyſo Plugis wagnis Pedan miſkilis Glenptene Laipto Preartue Wadule Grandis Walis Pleſke Teanſis Aketes Semen Seamis Rugis Gaydis Dagagaydis Moaſis Wyſe Babo Keckers Moke Praſſan Kamato Knapios Garkity Wickis Lituckekers Tunclis Pure Strambo Crayſi Wolti Ackons Syrne Pelwo Auklextes Perwios Wayos Schokis Attolis Drogis Bleuſky Pelky Panean Crays Wobilis Noatis Clattoy Soalis Abaſus Kelan Scritayle Nabis Aſſis nuſkils Slaune Arwarbs Kalpus Keleranco Grawyne Greauſte Torbis Slayo Weſſis Slayan Stibinis Staydy Paddis Aclocordo Wirbe Bruſgis Malunis Girnoywis Mandiwelis Malunaſtab Auwirpis Maluakela Spanſtan Nawetto Sturdis Tarbio Surturs Suppis Takes Peccore Vmnode Vumpis Pectis Klexto Paſſortis Meltan Clines Singſlo Gnode Geytye Sompiſinis Lugis Plinxne troſkeilis Solthe Kalſo baytan Aubirgo Kukore Nagotis Swixtis Podalis Pantwcko Siduko Abſtocle Catils Warene Medinice Birgakarkis Lapinis Lanctis Trumpſtis Pagaptis Ayſmis Mynſowe Galdo Wogonis Anſis Ratinſis Kalopeilis Panuſtaclan Nagis Pintys Gloſto Menſo Claywio Saltan Juſe tankis Sloyo mynſis Laitian Karczemo Piwis Piwamaltan Piwenitis Dragios Spoayno Scinkis Woragowus Winis Meddo Alu Drawine Standis Abſtotten Noploz Kanowe Winis Dulſis Kragis Sticlo Kioſi Dongo Rikis Konagis Waldwico Laukinikis Tallokinikis Kumetis Kragis Karyago Liſcis Artwes Prio Wackis Cariawoytis cinyangus Sarwis Brunyos Salmis Staytan Kelian Kellaxde Kalabian Sarxtes Kugis Digno Stakamecczer Ruſſis Sirgis Sweriapis Sweykis Kaywe Arwaykis Rapeno Aſilis Weloblundis Maldian Wilenikis Balgninix Balgnan Pagrimis Paſtagis Papinipis Bugo Largaſaytan Lingo Tubo Tarkue Briſgelan Auclo Slango Nolingo Tuckoris milan Paſtowis Woapis Woaltis Gaylis Kirſnan Sywan Golimban Wormyan Gelatynan Cucan Mayſotan Roaban Saligan Scrundus Ayculo Schutuan Awilkis Scrutele Kelmis Pelkis Lactye Wilnis Kiſſes Nurtue Broakay Lagno Peadey Drimbis Silkaſdrub Saninſle Sagis Kuliks Plauxdine Pobalſo Balſinis Ploaſte Laſto Loaſe Paſto Kekulis Schuwikis Keuto Nognan Puſne Kurpe Kymis Paccaris Aulinis Galwo Pamatis Anſalgis Schumeno Widus Turpelis ylo mynix Dumpbis Wutris Antre Kamenis moaſis Preitalis Cugis curpis Raples Playnis gelſo Auſis Siraplis Wargien Caſſoye Alwis Starſtis Auwerus Tackelis Wedigo Romeſtue bile Kerſle Granſtis Dalptan Somukis Cramptis Sbeclis Ratinſis Aloade Panto Lattako Sagis Liſytyos Doalgis Piuclan Lopto Kerſle Stubonikis Crauyawirps Raguſto Twaxtan Sirmes Specte Wumbaris Coyſnis Scrundos Coeſtue Suckis Liede Locutis Lalaſſo Starkis Angurgis Wilnis Eſketres Smerlingis Kalis Seabre Linis Aſſegis brunſe Palaſallis Sylecke Sarote Blingis Grundalis Malkis Blingo Dubelis Stroyſles Rapis Rokis Sweikis Median Gudde Wangus Sylo Anſonis Gile Bucus Buccareiſis Stoberwis Stuckis Addle Peuſe Sackis Juwis Berſe Lipe Abſkande Witwan Gloſſis Apewitwo Abſe Laxde Kadegis Kaules Karige Woſigrabis Smorde Sidis Kerberſe Wobalne Woble Crauſy Crauſios Sliwaytos Wiſnaytos Krichaytos Wiſſene Stanulonx Pauſtre Wimino Skerptus Woaſis Garian Sagnis Wipis Saxſto Grandico Kalmus Trupis Queke Kartano Kirno Dagoaugis Riſte Luckis Stolwo Spelanxtis Saxtis Lunkan Wims emelno Alne Tauris Wiſſambs braydis Ragingis Glumbe Sirwis Pauſtocaica Clokis Calteſtiſklok Wilkis Lape Saſnis Weware Gaylux Moſuco Caune Naricie Pauſtocatto Luyſis Vdro Bebrus Dutkis Wobſdus Lonix curwis Klente Werſtian Woſux Woſee Woliſtian Camſtian Awins Stabs Eriſtian Swintian Tuylis Nomaytis Skewre Praſtian Dadan Suris Anctan Ructandadan Raugus Sutriſtio Sulo Aſwinan Poadamynan Medies Saſintinklo Korto Medione Curtis Slidenikis Scalenix Sunis Wuyſis Ragis Pepelis Preſtors Aukis Arelie Pele Valx Pelemaygis Gertoanax Sperglawanag Gerwe Gandams Gulbis Geeyſe Sanſy Antis Warnis Warne Bucawarne Kote Sarke colwarnis Salowis Treſde Seeſe Picle Geguſe Doacke Werwirſis Singuris Czilix Swibe Sixdre Sineco Spurglis Smicuto Krixtieno Genix Melato Kracto Aytegenis Sarpis Prapolis Sealtmeno Droanſe Soakis Peempe Semeno Geaſnis Slanke Warnaycopo Witwago Geauris Kerko Gegalis Stamite Poalis Keutaris Gertis Gerto Gertiſtian Medenixtaurw Tatarwis Laucagerto Bruneto Penpalo Kylo Apiſorx Powis Angis Anxdris Eſtureyto Poaris Gloſano Gabawo Trupeyle Gramboale muſo Tuſſis Piſtwis Slayx Girmis Bitte Camus Wobſe Sirſilis Saugis Swetan Tauto Criſtioniſto Pagonbe Meſtan Caymis Sparyus Pintis Lonki Poſty Sardis . . Stas Likuts Mixkai bhe Prūſiſkai praſtans Predickerins no tautan Stans Lāngiſeilingins prei Powaidint bhe ſtan Maldūnin enſteſmu prei iaukint kai ſtai iſmukint maſſi ka tennēimons enterpon aſt prei tenneiſon Deiwūtiſkan Preiſteſmu ſtas Luͤbi bhe Crixtiſnālaiſkas kāigi ſtas ſubs en ſteſmu kīrkis teikūſnan tēnti en Prūſiſkan tautan laikūts wīrſt Stai Deſſimton Pallaipſai kāigi ſtans ains Butti Tāws ſwaiāſmu ſeimīnan preigērbt turri Stas Pirmois Pallaips Tou niturri kittans Deiwans pagār mien turrītwei Ka aſt ſta billīton Ettrais Mes turrimai Deiwan ſtan Rikijan kirſcha wiſſan powijſtin biātwei bhe mijlan turīt bhe ſteſmu auſchaudītwei Stas Antars Pallaips Tou turri ſtan Emnan twaiſei Deiwas ni enbāndan weſtwei Ka aſt ſta billīton Ettrais Mes turrimai Deiwan ſtan Rikijan kirſcha wiſſan powijſtin biātwei bhe milijt kai mes ſen tennēiſon emnen ni nideiwiſkan gunnimai ni wertemmai klantemmai bebinnimai waidleimai adder mēntimai bhe paikemmai Schlāit ſtanſubban enwiſſai nautei enwackēimai Poſinnimai girrimai bhe dinkauimai Stas Tīrts Pallaips Tou turri ſtan Lānkinan Deinan Swintint Ka aſt ſta billīton Ettrais Mes turrimai Deiwan ſtan Rikijan kirſcha wiſſan powijſtin biātwei bhe milijt kai mes ſtan preddikauſnan bhe ſwaian wirdan ni perweckammai ſchlāit ſtanſubban Swintan lāikumai reide klauſēmai bhe mukinnimai Stas Kettwirts Pallaips Tou turri twaian Tāwan bhe Mūtien ſmūnint kai tebbe labban ēit bhe ilgi giwaſſi noſemien Ka aſt ſta billīton Ettrais Mes turrimai Deiwan ſtan Rikijan kirſcha wiſſan powijſtin biātwei bhe milijt kai mes tennēiſon paggan noūſons Vraiſins bhe Rikijans ni perweckammai neggi ernertimai Schlāit ſtans en ſmūnin lāikumai bhe ſtēimans ſchlūſimai pokluſmai mijlan bhe teiſīngi lāikumai Stas Piēncts Pallaips Tou niturri gallintwei Ka aſt ſta billīton Ettrais Mes turrimai Deiwan ſtan Rikijan kirſcha wiſſan powijſtin biātwei bhe milijt kai mes tennēiſon paggan noūſeſmu Tawiſchen en ſwaiāſmu kermnen ni ainan ſchkūdan bhe wargan ſeggēmai ſchlāits ſteſmu galbimai bhe brewinnimai en wiſſans kermeniſkans nautins Stas Vſchts Pallaips Tou niturri Sallūbanlimtwei Ka aſt ſta billīcon Ettrais Mes turrimai Deiwan ſtan Rikijan kirſcha wiſſan powijſtin biātwei bhe milijt kai mes tennēiſon paggan ſkīſtai bhe teiſīngi giwammai en wirdemmans dīlans bhe pomijriſnans bhe erains ſwaian ſallūban milijt bhe teiſint Stas Septmas Pallaips Tou niturri Rānctwei Ka aſt ſta billīton Ettrais Mes turrimai Deiwan ſtan Rikijan krſcha wiſſan powijſtin biātwei bhe milijt kai mes tennēiſon paggan noūſon Tawiſchas penningans bhe labban ni immimai neggi ſen reddiſku perdāſai adder wargaſmu kāupiſkan prēimans pidimai Schlāits tennijſmu ſwaian labban bhe maitāſnan galbimai walnint bhe popeckūt Stas Aſmus Pallaips Tou niturri reddewijdikauſnan dātwei prijki twaian tawiſchan Ka aſt ſta billīton Ettrais Mes turrimai Deiwan ſtan Rikijan kirſcha wiſſan powijſtin biātwei bhe milijt kai mes tennēiſon paggan noūſon tawiſchan ni reddewingi epmēntimai perklantemmai perpettas waitiāmai adder wargan girſnan tickinnimai Schlāits turrimai ſtan etwinūt bhe labbas eſſe ſteſmu waitiāt bhe wiſſan prei walnennien wartint Stas Newīnts Pallaips Tou ni turri Pallaipſītwei twaiſei tawiſchas buttan Ka aſt ſta billīton Ettrais Mes turrimai Deiwan ſtan Rikijan kirſcha wiſſan powijſtin biātwei bhe milijt kai mes tenneiſon paggan noūſmu tawiſchan ni ſen wīngriſkan no tennēiſon weldīſnan adder buttan ſtallēmai bhe ſen aineſmu ſwāigſtan ſtēiſei tickrōmiſkan ēnmans pīdimai Schlāits ſteſmu ſtanſubban prei polaikūt brewingi bhe ſchluſingiſku boūton Stas Deſſīmts Pallaips Tou niturri pallapſitwei twaiſe Tawiſchas Gannan Waikan Mērgan Peckan adder ka tennēiſon aſt Ka aſt ſta billīton Ettrais Mes turrimai Deiwan ſtan Rikijan kirſcha wiſſan powijſtin biātwei bhe milijt kai mes tenneiſon paggan noūſmu tawiſchan ni ſwaian gennan ſeimīnan adder peckan aupaickēmai auſchpāndimai adder enwertinnewingi teckinnimai Schlāits ſtanſſubans enlaikūmai kai tennei polijnku bhe ſegge ka tennei ſkellāntei aſt Ka billā tēnti Deiws eſſe wiſſans ſchins Pallaipſans Ettrais Tāns billā titet As ſtas Rikijs twais Deiws aſmau ains Stūrintickrōms Deiws kas noſtans quoi mien dergē ſtans grīkans ſteiſei tāwans kāimaluke ēnſtēimans malnijkans ergi en tīrtin bhe ketwirtin ſtreipſtan Adder ſtēimans quai mien milē bhe maians pallaipſans lāiku ſegge as labban en tūſimtons ſtreipſtoos Ka aſt ſta billīton Ettrais Deiws trinie prei ſñndintwti wiſſans quai ſchins pallaipſans ertreppa Steſſe paggan turrimai mes noūmas biātwi per tennēiſon nertien bhe ni prīki ſtawīdans pallaipſans ſeggīt Tāns preigerdawi adder etnijſtin bhe wiſſan labban wiſſeimans Quai ſtawīdans pallaipſans lāiku Steſſepaggan turrimai mes ſtan dijgi milijt bhe ſteſmu auſchaudijt bhe reide ſeggītna tenneſſei pallaipſans Stas Swints Criſtiāniſkas Druwis kāigi ains butte tawas ſtanſubban ſwaiāſmu ſeimīnan no vckalāngwingiſkai prei laikūt turri Stas Pirmonnis Dellijks eſſeſtan Teikūſnā As druwē en Deiwan Tāwan Wiſſemuſīngin kas aſt teikūuns Dangon bhe ſemmien Ka aſt ſta billīton As druwē kai mien Deiws Teikūnus aſt ſen wiſſans pērgimmans mennei kērmenan bhe Dūſin ackins āuſins bhe wiſſans ſtreipſtans Jſſpreſſennien bhe wiſſans ſeilins dāuns aſt bhe dabber Jſlāika Prēiſtan rūkans bhe kurpins īſt bhe pūton buttan bhe burwalkan Gannan bhe Malnijkans Laukan Pecku bhe wiſſans labbans ſen wiſſan prewerīngiſkan bhe maitāſnan ſchiēiſe kermenes bhe gīwas Laimiſkai bhe deineniſkai perſurgaui bhe prijki wiſſan wargan pokūnti bhe popeckuwi bhe ſtan wiſſan is kalſīwingiſkan Tawiſkan Deiwūtiſkan labbiſkan bhe etnīſtin Schlāit wiſſan maian perſchlūſiſnan bhe wertīngiſkan perkawīdan wiſſan as ſtēiſmu preidīnkaut bhe prei girtwei bhe pērſtan preiſchlūſitwei bhe pokluſman boūt ſchkellānts aſmai ſta aſt perarwiſku arwi Stas Antars Dellijcks Eſſeſtan Jſranckīſnan Bhe en Jeſūm Chriſtum ſwaian ainan Soūnon noūſon Rikijan kas pogauts aſt eſſe Swintan Noſeilien Gemmons eſſe ſtan Jumprawan Marīan Stīnons po Pontio Pilato Skrīſits Aulauns bhe enkopts Semmailiſons prei Pickullien En tīrtan deinan etſkīuns eſſe gallan Vnſaigūbons no Dangon Sīdons prei tickrōmien Deiwas ſteiſe wiſſemuſīngin Tawas iſquendau tāns pergūbons wijrſt prei līgint ſtans gijwans bhe aulauſins Ka aſt ſta billīton Ettrais As Druwē kai Jeſus Chriſtus iſarwiſkas Deiws eſſe Deiwan Tawan en prābutſkan gemmons bhe dijgi iſarwiſkas ſmunents eſſeſtan Jumprawan Marīan gemmons kas mien Jſmaitinton bhe perklantīton ſmunentien iſrankīuns aſt peldīuns augauuns bhe eſſe wiſſans grīkans eſſe gallan bhe eſſe ſtan warein ſteiſe Pjckulas ni ſen Auſin adder Sirablan Schlāit ſen ſwaiāſmu Swinton tēmpran krawian bhe ſen ſwaiaſmu niwinūton Stinſennien bhe anlauſennien Noſtan kai as tennēiſmu ſubſai aſmai bhe entennēiſmu rīkin po teneſmu giwīt bhe ſteſmu ſchluſilai en prabuſkai tickrōmiſkan niwinūtiſkau bhe deiwūtiſkan ainawydan kaigi tāns aſt etſkīans eſſe gallan giwa bhe rickawie en prabutſkan ſta aſt perarwiſkai arwi Stas Tīrts Dellīks Eſſe Stan Swintiſkan As Druwē ēnſtan Swintan Noſeilien ainan Swintan Criſtiāniſkan kijrkin Stan perōniſkan Swintan etwerpſennian ſteiſe grijkan etſkīſnan menſas bhe ainan prābutſkan gijwan AMEN Ka aſt ſta billiton Ettrais As Druwe kai as ni is ſupſai iſpreſnā neggi ſpartin en Jeſum Chriſtum maian Rikijan druwīt adder prēiſtan perēit maſſi Schlāits ſtas Swints Noſēilis aſt mien praſtan Euangelion perwūkauns ſen ſwaians Dāians erſchwāiſtiuns en tikrōmiſkan Druwien Swintinons bhe er laikūuns Ainawijdei kaīdi tans ſtan poſtippin Chriſtiāniſkan noſemmien preiwackē ſenrīnka erſchwāigſtinai Swintina bhe prei Jeſu Chriſton erlāiku en tickrōmiſkan ainawidiſkan drūwien En kawijdſmu Chriſtiāniſkan tāns mennei bhe wiſſamans druwīngins deineniſku wiſſans grīkans laimintiſkai etwiērpei Bhe en maldaiſin deinan mien bhe wiſſans aulauūſins etbaudinnons wirſt bhe mennei ſen wiſſamans Chriſtiānans ainan prābutſkan gijwan dauns Sta aſt perarwiſku arwi Stas Tāwa Noūſon kāigi ains Butta Tawas ſtanſubban ſwaiāſmu Seiminan vcka lāngiwingiſkai preilaikūt turri Tāwa Noūſon kas tu eſſei Endangon Ka aſt ſta billīton Ettrais Deiws quoi ſen ſtawīdſmu mans wackītwei kai mes Druwīt turrimai tāns aſt nouſon tickars Tawas bhe mes tennēiſon tickrai malnijkai Noſtan kai mes glandewingei bhe ſen wiſſan auſchaudīſnan tennan madlit turrimai kāigi ſtai mijlai malnijkiku ſwaian mijlan Tawan Stai Pirmoi Maddla Swintints wīrſt twais Emnes Ka aſt ſta billīton Ettrais Deiwas Emnes aſt arwiſkai en ſien ſups Swints adder mes madlimai ēnſchien madlin kai tāns prēimans dijgi Swints poſtānai Kai audāſt ſien ſta Ettrais Quei ſtas wirds Deiwas kaltzīwingiſkai bhe ſkijſtan mukints wīrſt bhe mes dijgi Swintai kai ſtai malnijkai Deiwas poſteſmu giwammai ſta galbſe mans mijls Taws endangon Kas adder kittewidei mukinna bhe giwa nikai ſtas wirds Deiwas mukinna ſtas niſwintina ſirſdau noūmans ſten emnen Deiwas Eſſeſtan pokuntieis mans Dengnennis Tawa Stai Antrā Maddla Perēit twais Rijks Ka aſt ſta billīton Ettrais Deiwas rīks pereit labbai eſſetennan ſubbai ir bhe noūſon madlan Mes madlimai adder ēnſchan madlin kai ſtas dijgi prēimans pereīlai Kai audāſt ſien ſta Ettrais Kaden ſtas Dengenennis Tāws noūmans ſwaian Swintan Noſeilin daſt kai mes ſwaiaſmu ſwintan wirdan pra ſwaian etnīſtin druwēmai bhe Deiwiſkai giwemmai ſchien kīſmingiſkai bhe ſtwen enprābutſkan Stai Tirti Maddla Twais Quāits Audāſin kāgi Endangon tijt dēigi noſemien Ka aſt ſta billīton Ettrais Deiwas labbīngs etnīwings quāits audāſt ſien labbai ſchlāit noūſen madlan adder mes madlimai ēnſchan madlin kai ſtas dijgi prēimans ſien audāſt Kai audāſt ſien ſta Ettrais Kadden Deiws wiſſan wargan prātin bhe quāitan lemlai bhe kūmpinna quai noūmans ſtan emnan Deiwas niſwintinai bhe ſwaian rīkin niquoitā daton perēit kāigi ſtwi aſt ſtēiſi pickullas ſteſſei Swītas bhe noūſon kermeneniſkan quāits ſchlāit ſchpartina bhe polāiku mans drūktai en ſwaiāſmu wirdan bhe Druwien er prei noūſon wangan ſta aſt ſwais Etneīwings labs quāits Stai Ketwirta Maddla Nouſon deinennin geitien dais noūmans ſchan deinan Ka aſt ſta billīton Ettrais Deiws dāſt deinennien geitan dijgi ſchlāit noūſon madlin wiſſamans wargans ſmunentins adder mes madlimai enſchan madlin kai tans noūmans erſinnat daſt bhe ſen dinckauſnan pogaūt nouſon deinennien geitien Kai billē dineniſkas geits Ettrais Wiſſan ka prei kermenes maitāſnan prewerīſnan perlānkei kaigi ſtwi aſt Jſt Poūt Rūkai Kurpi Buttan Burwalkan Laukan Pecku Penningans Labbas labban ſeiminan labbans bhe auſchaudiwingin Aucktairikijſkan labban rickaūſnan labban winnen Packe Kailūſtiſkun Kānxtin teiſchin Labbans ginnins auſchaudīwingins kaimīnans bhe Steiſon polijgu Stai Piencktā Maddla Bhe etwerpeis noūmas nouſons āuſchautins kai mes etwērpimai noūſons auſchautenīkamans Ka aſt ſta billiton Ettrais Mes madlimai ēnſchan madlin kai ſtas Tāws endangon ni endeirīt quoitīlai noūſons grīkans bhe tenneiſon paggan ſtawijdan madlin ni perbillīton beggi mes aſmai ſtēiſon neaineſſa wertei kan mes madlimai aſmai ſtan dijgi ni perſchlūſiuns Schlāit tans quoitīlai noūmans ſtanſubban wiſſan is etnijſtin datwei beggi mes deininiſku tūlan grīkimai bhe labbai wiſſaweidin ſūndanperſchlūſimai Tijt quoitāmai mes arwiſkai ſtēimans etkūmps dijgi ſīriſku etwiērpt bhe reidei labban ſegīt quai ſien en mans grīkiſi Stai Vſchtai Maddla Bhe ni weddeis mans emperbandāſnan Ka aſt ſta billīton Ettrais Deiws perbānda arwiſkai niainonton adder mes madlimai en ſchan madlan kai noūmas Deiws quoitilai popeckut bhe erlaikūt Noſtan kai mans ſtas Pickūls ſtai ſwitai bhe nouſā menſai ni popaikā bhe perweddā en nidruwien perdwibugūſnan bhe kittan debīkan gīdan bhe epkieckan Bhe ikai mes ſenſteſmu ankaitītai wīrſtmai kai mes enwangan augaunimai bhe ſtan epwarrīſnan polāikumai Stai Septmai Maddla Schlāit iſrankeis mans eſſe wiſſan wargan Ka aſt ſta billīton Ettrais Mes madlimai en ſchan madlin kāigi en empijreiſku kai naūmans ſtas Taws endangan eſſe wiſſawidiſkan wargan Kermenes bhe Daūſin Labbas qhe Teiſin iſrāikilai bhe en panſdamonnien kaden noūſon ſtūndicks perēit ainan Diwūtiſkan wangan polijcki bhe ſen Etnīſtan eſſe ſchan powargewingiſkan lindan prēiſien imlai en ſtan dangon AMEN Ka aſt ſta billīton Ettrais Kai as turri auſchaudīwings boūt ſtawīdas madlas aſt ſteiſmu Tāwan Endangon enimmewingi bhe poklauſīmanas Beggi tans ſups aſt noūmas laipinnans titat prei madlitwei bhe taukinnons kai tans noūmans quoitē klauſiton Amen Amen ſta aſt arwi arwi adder Ja Ja ſta turri ſien titet audāt Stas Sacraments ſteſſei ſwintan crixtiſnan kāigi ſtanſubban ains Buttantāws ſwaiāſmu ſeimijnan vckcelāngewingiſkai turri preilaikūt Ka aſt ſtai Crixtiſna Ettrais Stai Crixtiſnai aſt ni ter ains ſchklāits vnds Schlāit ſtai aſt ſtas vnds en Deiwas pallaipſan entēnſīts bhe ſen Deiwas wirdan ſenriſts Kawijdan aſt ſtawijds wirds Deiwas Ettrais Kāigi Noūſon Rikijs Jeſus Chriſts bille prei Markon en panſadaumannien Jeiti ſtwen enwiſſan ſwītan mukinaiti wiſſans amſin adder pogūnans bhe Crixteiti tennans en Emnen ſteiſe Tāwas bhe ſteiſe Saūnas bhe ſteiſe Swintan Noſeilīs Prei Anterſmu Ka dāſt adder enterpo ſtai Crixtiſnai Ettrais Stai Dīlinai etwerpſennien ſteiſe grijkan iſrankinna eſſe gallan bhe pickullan bhe dāſt ſtan prābutſkan Deiwūtiſkan wiſſamans quai ſtan druwē kāigi ſtai wirdai bhe preibillīſnai Deiwas kelſāi Kawīdai aſt ſtai wirdai bhe preibillīſnā Deiwas Ettrais Kāigi nouſon Rikijs Chriſtus billē Marci en panſdaumannien Kas ſtwi druwē bhe Crixtits wijrſt ſtas wijrſt Deiwuts kas adder ni Druwe ſtas wijrſt perklantīts Prei Tīrtſmu Kāigi maſſi vnds ſtawijdan debeīkan aſtin ſeggīt Ettrais Vnds ſtan perarwiſku ni ſegge Schlāits ſtas wīrds Deiwas kas ſēn bhe prei ſteſmu vndan aſt bhe ſta Druwi kas ſtawidſmu wirdan Deiwas auſchaudē Beggi ſchlāits Deiwas wirdan aſt ſtas vnds ains tickars vnds bhe niainā Crixtiſna adder ſen ſteſmu wirdan Deiwas aſtits ainā Crixtiſnā . ſta aſt ains etnīſtiſlaims vnds ſteiſes geijwas bhe aina Spigſnā ſteiſe naunangimſenin en Swintan Noſeilin kāigi Swints Pauli billē Prei Tittum en Tīrtſmu polaſīnſnan Praſtan Spīgſnan ſteſſe ānterſgimſennien bhe ernaunīſan ſtēiſe Swintan Noſeilie kawīdan tāns iſlīuns aſt no mans laimiſku pra Jeſum Chriſtum noūſon Retenīkan Noſtan kai mes prei ſteſſei ſupſas etnīſtin tickrōmai bhe weldūnai aſmai ſtēiſei prābutſkan gijwan poſteſmu nadruwīſnan Sta aſt iau perarwiſku arwi Preī Ketwirtſmu Ka powaidinnei ſtawijds Vndas Crixtiſna Ettrais Sta powaidinne kai ſtas Vrs Adams ēnmans pra deineniſkan pawargan bhe powartīſnan turei auſkandints poſtātwei bhe aulāut ſen wiſſamans grīkans bhe wargan poquoitīſnau Bhe etkūmps deineniſku etſkīmai bhe winna perēimai Ains nauns ſmūnets kas en tickrōmiſkan bhe ſkīſtieſkan pirſdau Deiwan prābutſkai giwa Quei ſtallā ſta peiſaton Ettrais Swints Pauli prei Roͤmerins en Vſchtan polaſinſnan billē Mes aſmai ſen Chriſto praſtan Crixtiſnan enkopts ēnſtan gallan kai ainawīdai kāigi Chriſtus aſt eſſe ſtans Gallans etbaudints praſtan Rikijwiſkan ſteſſei Tāwas Tīt turrimai mes dijgi en aineſmu nawnan gijwan neikaut Kāigi Stans Lāngiſeilingins turri mukint Grikaut Ka aſt ſtā Grikauſna Ettrais Stai Grikauſna ebimmai dwai dellīkans ēnſien Ains kāidi ſtans grīkans poſinna Sta Anters kāidi ſtan etwerpſennin eſſe ſteſmu klauſīwingin pogāunai kāigi eſſe Deiwan ſubban Bhe niquei en ſteſmu dwibugūt Schlāit drūcktai druwīt ſtai grīkai aſt praſtan etwierpton pirſdau Deiwan Endangon Kawīdans Grīkans turedi Grikaut Ettrais Pirſdau Deiwan turridi wiſſans Grīkans ſien ſkellānts dātunsi dīgi ſtans kans mes digi ni erſinnimai kāigi mes en Tawa Nouſon ſeggēmai Adder pirſdau ſteſmu Klauſijwingin turrimai mes ter ains ſtans grijkans poſinnat kawijdans mes waidimai bhe popreſtemmai en nouſon ſijran Kawīdai aſt ſtai Stwi endirīs twaian bauſennien poſteimans Deſſimtons Pallaipſans Anga tu Tāws Mūti Soūns Duckti Rikijs Supūni Waix aſſai Anga toū nipokluſmings ni iſarwis niſeilewingis aſſai boūuns Anga tou ainontſmu wargan aſſai ſeggīuns ſen wirdemmans adder dīlins Anga tu ranguns pertennīuns nipokūntuns ſchkūdan aſſei ſeggīūns Mijls Brāti Teīks mennei ainan īnſan iſſpreſſennen prei Grikaut Tīt turri tū prēiſtan Klauſīwingin bilītwei Wertīngs mīls Rickijs as madli wans Quoitīlaiti maian Grikauſnan kirdītwei bhe mennei ſtan etwerpſennien billīt Deiwas paggan Gerdaus ſchan As gurīns Grīkenix poſinna mien pirſdau Deiwan wiſſans grīkans ſkellants en ſchlaītiſkai poſinna as pirſdau Joūmas kai as ains Waix Mergu etc aſmai Adder Deiwa engraudīs as ſchlūſini iſarwi maiāſmu Rikijan Beggi ſchan bhe ſtwen aſmu as ni ſeggīuns ka ſtai mennei laipinnons Aſmai ſtans ernertiuns bhe prei klantīſnan pobanginnons aſmai pertennīuns bhe ſkūdan dāuns ſeggit Aſmu dijgi en wirdans bhe dīlans nigīdings baūuns Aſmai ſen maiſei pollīgun ernertīuns Prīki maian waiſpattin murrawuns bhe klantīwuns Sta wiſſa wargē mien bhe madli etnijſtin as quoi mien walnennint Ains Rikijs adder Supūni billi titet En ſchlāitiſkan poſinna as pirſdau Joūmans kai as maians malnijkans bhe ſeimīnan ni iſarwi aſmai auginnons prei Deiwas Teiſin As aſmai klantīuns wargans perwaidinſnans ſen niteiſīwingins wirdans bhe ſeggīſnans dāuns Maiāſmu kaimīnan ſchkudan ſeggīuns wargu nowaitiāuns per tēmprai perdauns reddau bhe ni pilnan perdāiſan dāuns bhe ka tans toūls prīkan Deiwas pallaipſans bhe ſwaian bouſennien aſt ſeggīuns Kadden adder ains ſien ni aupallai tīt pobrendints ſen ſtawīdſmu adder muiſieſon grīkans Stas niturri ſurgaut adder tāls grijkans laukīt adder ermīrit bhe ſen ſtawijdsmu ainan lailīſnan eſſe ſteſmu Grikauſnan tickint ſchlaits engerdaus ainan adder dwai kawijdaus tuo waiſei Titet En ſchlāitiſkan poſinna as kai as ainan reiſan klantīuns adder ainawārſt nikanxts ſen wirdans boūuns aina warſt ſtan pertennīuns aſmai Bhe tīt dais panſdau zuit bouton Waiſſe tu adder poſtippan niainan kawids ni labbai muſīngin maſſi bouton Tīt gerdaus dijgi niainan ſchlāitiſkai Schlāit imais ſtan etwerpſennien noſtan perōnin grikauſnan kawijdan tou pirſdan Deiwan ſeggēſei prīki ſteſſemu Klauſīweniki Noſtan turri ſtas Klauſiwinks billītwei Deiws ſeiſei tebbei Grīkenikan etnijwings bhe ſpartina twaian druwien Amen Tāls Druwēſe tu dīgi kai maia etwerpſna Deiwas etwerpſna aſt Ettrais Ja mijls Rikijs Noſtan billi tans. Kāigi tou druwēſe tīt audaſei tebbei Bhe as is polaipīnſnan noūſon Rikijs Jeſu Chriſti etwerpe tebbei twaians grīkans en Emnen ſteiſe Tawas bhe ſteiſe Soūnas bke ſteiſe Swintan Noſeilin Amen Jeis preipaus en Packan Kawīdai adder debbīkan pobrandiſnan ſtetſe powaiſemnen turri adder auminius adder enkaitītai aſt ſtans wīrſt ans Klauſīwings labbai waiſt ſen toūls billijſnans prei glandint prei Druwien tiēnſtwei Sta turri ter ains aina perōniſku enteikūſna ſteiſon Grikauſnan boūt pērſtans Lāngiſeilingins Stas Sacraments Steiſei Altari kaigi ains Buttaſtaws ſtanſubban ſwaiāſmu ſeimīnan vkalāngewingiſkān preilaikūt turri Ka aſt ſtas Sacramēnts ſteiſe Altars Ettrais Sta aſt ſtas arwis kērmens bhe krawia Noūſou Rikijas Jeſu Chriſti Po ſteſmu geitin bhe wijnan Noūmas Crixtiānans prei īſt bhe prei poutwei eſſe Chriſto ſups enſadinton Quei Stalle ſta Popeiſāton Ettrais Tit peiſāi ſtai Swintai Euangeliſtai Matteus Marcus Lukas bhe Swints Paulus Noūſon Rikijs Jeſus Chriſtus ēnſtan Nacktien kaden tans prawilts poſtāi imma tans ſtangeitin dīnkauts bhe līmauts bhe dai ſwaimans maldaiſimans bhe billāts immaiti ſtwen īdeiti ſta aſt mais kērmens kas pērwans dāts wīrſt Stawīdan ſeggītei prei maian pominiſnan Steſmu empolijgu immats dijgi ſtan Kelkin pobītas īdin Dinkauts bhe dai ſtan ſteimans bhe billāts Jmaiti ſtwen bhe poieiti wiſſai iſſteſmu Schis kelks aſt ſtas nauns Teſtaments en maian krawian kas perwans pralieiton wīrſt prei etwerpſennien ſtēiſon grijkan Stawīdan ſeggītei prei maian pominīſnan Ka aſt enterpen ſtawīds īdis bhe poūis Ettrais Sta waidinna noūmans ſchai wirdai Pērwans dāton bhe prolieiton prei etwerpſenninn ſtēiſon grīkan Jſſprettīngi kai noūmas en Sacramenten etwerpſnā ſteiſon grikan gijwan bhe Deiwutiſkai praſtawīdans wirdans dāts wirſt Beggi quei etwerpſnā ſteiſon grīkan aſt ſtwi aſt dijgi giwei bhe Deiwūtiſku. Kāigi maſſi Kērmeniſkai īdai bhe poūton ſtawīdan debīkan aſtin ſeggīt Ettrais Jſt bhe poūton ſtan arwiſkai ni ſegge ſchlāit ſtai wirdai ka ſtwi ſtallē Prēiwans podaton bhe Proleiton prei etwerpſennien ſteiſon grīkan Kawīdai wirdai aſt ſirſdau ſteſmn kērmeneniſkan īſtai bhe poūton kāigi ſtas Galwaſdellīks en Sacramenten Bhe kas ſteſmu wirdan druwe tans turri kan ſtai billē bhe kāigi ſtai kaltzā Jſſpreſennien Etwerpſennien ſtēiſai Grīkan Kas pogaunai ſtawīdan Sacramentan Wertīwings Ettrais Paſtauton bhe kērmeneniſkan ſien pogattawint aſt aina kanxta iſwinadu kanxtinſna Adder ſtas aſt tickars wertīngs bhe labbai pogattawints kas ſtan Drūwien turri en ſchans Wirdans Pērwans podāton bhe Prolieiton prei etwerpſennien ſteiſons grīkans kas adder ſteīmans wirdans ni Druwē adder dwigubbū ſtas aſt niwertīngs bhe nipogattawints Beggi ſtas wirds Pēr Wans wūkawi wiſſans druwīngins ſirans Kaigi ains Buttas Taws ſwaian Seimīnan turri mukint Angſteina bhe Bītai ſien Signāt Angſtainai Kaden toū is twaiāſmu Laſtin etſkīſai turri tou tien Siggnat ſen ſteſma Swintan Scrīſin bhe bīllīt Stwi galbſe Deiws Taws Soūus bhe Swints Noſeilis Noſtan poquelbton adder ſtānintei ſtan Druwien bhe Tawa Nōſon Jquoitu tīt maſſi tu ſchin madlikan prēiſtan gerbt As dīnckama tebbei mais Dengnenniſſis Taws pra Jeſum Chriſtum twaian mīlan Soūnan kai tu mien ſchen Naktin pirſchdau wiſſan ſkūdan bhe wargan aſſei pokūntuns Bhe madli tien Tou quoitīlaiſi mien ſchan deinan Deigi pokūnſt pirſdau grīkan bhe wiſſan wargan kai tebbei wiſſa maia ſegiſna bhe giwan podingai Beggi as polaipinna mien maian kermenen bhe Doūſin bhe wiſſan en twaians rānkans twais ſwints Engels baūſei ſen māim kai ſtas wargs prēiſiks ni ainan warrin ēnmien aūpallai Amen Bhe panſdau titet ſen weſliſkan prei twaian Dīlan gubas bhe ainan grīmikan grīmons kāigi ſtans Deſſimtons pallaipſans adder ka twaiā Seiliſku dāſt Bītai kaden tu prei laſtan ēiſei turei toū tien Siggnat ſen ſteſmu Swintan Scrijſien bhe billīt Stwi Galbſai Deiws Tāws bhe Soūns bhe Swints Noſeilis Noſtan poquelbton adder ſtāninti ſtan Druwien bhe Tawe Nouſon Jquoi tu tīt maſſi ton ſchin madlikan prēiſtan gerbt As Dīnkama tebbei mais Dengenennis Tāws pra Jeſum Chriſtum twaian mijlan Saunan kai tou mien ſchan Deinan Etnīwingiſku aſſei pokūntons bhe madli tien toū quoitīlaiſi mennei etwīerpt wiſſans maians grīkans quei as nitickran ſeggīuns aſmai Bhe mien ſchen nacktin etnijwingiſkai popekūt Beggi as polaipinna mien maian Kērmnen bhe Daūſin bhe wiſſan en twaians rānkans Twais Swints Engels baūſei ſen maim kai ſtas wargs Prēiſicks ni ainan warrien ēnmien aupallai Bhe panſdau entickrikai bhe weſſelingi enmigguns Kāigi ains Buttas Taws Swaian Seimīnan turri mukint ſtan bhe gerbt Stai malnijkai bhe Seimīns turri ſen ſenditmai rānkān bhe kanxtei pirſchdau ſtan ſtallan trapt bhe billit Wiſſas Ackis giēidi notien Rikijs bhe tu dāſe ſtēimans tennēiſon landan prei ſwaian kerdan Toū etwēre twaian rānkan bhe ſātuinei wiſſan ka ſtwi giwe ſen labbapodingauſnan Panſdau ſtan Tawa noūſon bhe ſchan rīpintinton madlin O Deiwe Rikijs Dengnennis Taws Signāts mans bhe ſchiens twaians Dāians kawīdans mes eſſe twaian dēigiſkan labban prei mans immimai Pra Jeſum Chriſtum nouſon Rikijan Amen Tit dijgi po idin turri Stai ainawidiſku ſiggit kānxtai ſen ſenditans rānkans ſtallit bhe billitwei Dīnkauti ſteſmu Rikijan beggi tans aſt ginnewings bhe ſwaia labbiſku wēraui Enprābutſkan kas wiſmu menſen landen dāſt kas ſteſmu Pecku ſwaian pērdin dāſt ſtēimans maldans Warnins quai tennen enwackē Tans ni turri podīngan en ſteſſei ſpartiſku ſteiſeiſei ruſſas neggi podingauſnan no ainontſi kaulan Stas Rikijs turri podīngan en ſtēimans quoi tennan bia bhe quai no ſwaian labiſkan gēide Panſdau ſtan Tawe Nouſon bhe ſchan rīpintin madlin Mes Dīnkaumai tebbe Rikijs Deiws Taws Pra Jeſum Chriſtum per wiſſan twaian labbaſegīſnan kas du Gīwu bhe Rikawie en Prabutſkan Amen Stai Buttas Tapali Delli billīſna pra wiſſans Swintans Enteikūſnans bhe bouſenniens prakawīdans ſtanſſubbans kāigi per ainan mukīnſnan tenneiſon perſtallīſnas bhe ſchluſiſnas prei poſkulīt Steimans Bīſkopins Pappans bhe Preddikerins Ains Bīſkops turei niebwinūts būton Ainaſſei gennas wijrs Alkīns Rāms Aulāikings Reidewaiſines Mukinewis Kai ains Butſargs Deiwas ni ains rundijls ni grēnſings ni niteiſīngiſkan dīſeitiſkan guntwei Schlāit preitlāngus nirīgewings ni āūgus kas ſwaiāſmu ſupſei buttan labbai perſtallē kas bokluſmans malnijkans turei ſen wiſſan teiſīwingiſkan ni ains naunīngs kas noſtan wirdan lāiku kawīds arwis aſt bhe mukint maſſi noſtan kai tans ſparts aſtits prei paſkulīton praſtan Rettīweniſkan mukinſnan bhe pro pobaiint ſtans emprijki waitiaintins Ka ſtai Crixtianai ſwāimans Mukinnewingins bhe Dūſaiſurgawingi preiſeggīt ſkellāntai aſt Jdaiti bhe poieiti ka tennei turri beggi ains dīlants aſt ſwaiſei ālgas werts Lucas en deſſīmton palaſinſnon Stas Rikijs aſt polaipinnons kai ſtai quai ſtan Ebangelion pogerdawie Turei ſien eſſeſtan Ebangelion maitātunſin Kas pomukints wīrſt ſen ſteſmu wirdan ſtes dellieis ſteſmu kas ſtan mukinna ni kurteiti ains āntran Deiws ni daſt ſien bebbint Stans Vraiſans quai labbai perſtalle lāikutei dwigubbus teiſis werts bhe Schklāits quai ſtwi gewinna en wirdan bhe enſtan mukinſnan Beggi ſtwi bille ſtai peiſālei tu turei ſteſmu kurwan kas arrien tlāku ni ſtan āuſtin perrēiſt bhe ains dīlants aſt ſwaiſei ālgas werts En Pirmonnien Mes madlimai wans mīlai bratrīkai kai ioūs erſinnati quai ēnwans gewinna bhe ioumas perſtallē enſteſmu Rikijan bhe wans poſkulēwie turriti dins ſte mijls ſtēiſon dīlas paggan bhe ſeīti packawingi ſen ſtēimans Klauſieiti ioūſons mukinnewins bhe rīpaiti tennēimans beggi tennei budē kirſcha iouſan Duſin kai quai ſtwi reckenauſnan pērſtan dāt turri Noſtan kai tennei ſtan ſen tuldīſnan ſeggē bhe ni ſen nādewiſin Beggi ſta ioumas ni aſt labban Eſſe Swītewiſkan Auckſtimiſkan Erains boūſei pokluſman ſteiſei Aucktimmiſkan quoi warein kirſa din turri beggi ſtwi aſt niainā aucktimmiſikai ſchlāits eſſe Deiwan Quei adder aina aucktimmiſkū aſt ſtai aſt eſſe Deiwan Enteikūton Kas ſien teinu prīki ſtan Auktimmiſkan ſedinna ſtas emprīki ſtallē Deiwas enteikūſnan Quai adder emprīki ſtallē wīrſt kerſcha ſien ainan lijgan gauuns Beggi ſtai ni pīdai ſtan kalbīan enſus ſtai aſt Deiwas ſchlūſnikai aina Trintawinni prei ſūndin noſtan kas wargan ſegge Eſſe Steimans Pokluſmingins Dāiti ſteſmu Keiſerin ka ſteiſei Keiſerin aſt Tīt ſeiti tēnti is nautin pokluſman niains ſteſſei ſūndis paggan ſchlaits digi ſteiſei Powaiſennis paggan Steſſepaggan turriti ious dīgi kaſſin dāt beggi ſtāi aſt Deiwas ſchlūſinikai quai ſtawidan abſergīſnan turri erlaikūt Tīt daiti teinu eraineſmu kai ioūs ſkellānts aſtai Kaſſin kaſmu ſtas kaſſchis perlānki Tollin kaſmu ſtas Tols perlānki Teiſin kaſmu ſtai teiſi perlānki Tīt paſkulē as teinu kai dei pirſdau wiſſan powijſtin En pirmannin ſegge Madlan Pra madlin bhe Dīnkauſegīſnan per wiſſans ſmunentins pērſtans Wāldnikans bhe Perwiſſan Aucktimmiſkan Noſtan kai mes ainan packīwingiſkan bhe tuſnan gīwan weſt maſſimai en wiſſan Deiwutiſkan bhe Teiſiſkan Beggi ſta aſt labban bhe dijgi enimumne prīki Deiwan nouſeſmu pogālbenikan Poſkuleis tennans kai ſtai ſteſmu Miſtran bhe ſteiſe Auktimmiſkan pokluſmai bhe poſeggīwingi boūſei Seīti pomettīwingi wiſſai ſmūneniſku enteikūſnan eſſe ſteſſe Rikijas paggan Sta bouſei ſteſmu Waldniku kāigi ſteſmu Aucktimmien adder ſteſmu Hoͤfftmannin Kāigi ſteſmu pertengninpertengninton eſſe ſteſmu pri trinſnan noſtans warguſeggīentins bhe prei girſnan ſteimans labbans Petri am Steimans Sallūbaiwīrins Jaūs Wijrai buwinanti prei ioūſans gennans ſen iſſpreſnān bhe dāiti ſteiſmu genneniſkan kāigi ſteſmu vcka kuſlaiſin dijlapagaptin ſwaian teiſin kaige ſendraugiwēldnikai ſteiſei etnīſtin ſteſſe gīwas noſtan kai iouſā madliſna ni andeiānſts wīrſt Petri Bhe ni aſtai kārtai krīki tennans Steīmans Sallūbi gennāmans Stai Gennai boūſei poklūſmingi ſwaiſei Wīrans kāigi ſteſmu Rikijan kai Sara Abraham poklūſmai bhe bebillē din Rikijs kawijdſa duckti ious poſtāuns aſti ikai ious labban ſeggēti bhe ni tijt būrai aſti Petri Stēimans Vraiſins Jous Tawai ni tenſeiti ioūſans malnikans prei nertien kai ſtai ni dūrai poſtānai Schlait poauginneiti ſtans en Kanxtiſku preiſtan Rikijan Eſſe Steimans Malneijkans Joūs Malnijkai ſeiti pokluſmingi ioūſmu vraiſin en Rikijan beggi ſta aſt preiſtallīwingi Smuninais Tawan bhe Mutien Sta aſt ſtas pirmonnis pallaips kuwijds potaukīſnan turei iſſprettīngi kai tebbei labban ēit bhe ilga gīwaſi noſemmien Steimans Waikammans Mergūmans Deināalgenikamans bhe Dīlnikans Jous Waikai ſeiti pokluſmai iouſon kermeneniſkans Rikijans ſen biāſnan bhe dirbinſnan bhe Lāngiſeiliſkan iouſai ſīras kāigi Chriſto ſubbſmu ni ſen ſchluſien ter ains pirſchdau ackins kāigi ſteimans ſmunentins prei podingan ſchlāits kaigj ſtai waikui Chriſti kai ious ſtawīdan quāitin Deiwas ſeggītei eſſe ſīran ſen labban quāitin Daiti ioumas pomīrit kai ious ſteſmu Rikijan bhe ni ſteimans ſmunentins ſchlūſiti bhe waiditi kai erains labban ſegge ſtan wīrſt tans pogauuns ſtas bouſai waix adder powīrps Steimans Butta Rikians bhe Buttas waiſpattin Jous Rikijai ſeggīta ſtanſubban Deigi prīkin tennans bhe powiērptei iouſon trēnien bhe waiditi kai ioūs dijgi ainan Rikijan endangon turriti bhe aſt pirſdau ſteſmu ni aina endiriſna ſteiſon ſmūni Steiſmo Perōnin Maldūnin Jous Maldai ſeiti pokluſman ſteimans vraiſins bhe powaidinneiti en ſteſmu ſtan lāuſtīngiſkan beggi Deiws emprīkiſtallaē ſteimans labbatīngins Adder ſteimans Lāuſtingins daſt tans etnīſtin Steſſepaggan lauſtineiti wans teinu pōſtan warewingin rānkan Deiwas kai tans wans erlāngi prei ſwaian kērdan Petri Steimans Widdewūmans Kawida aina tickra widdewū bhe ainaſeilingi aſt ſtai ſaddinna ſwaian auſchaudiſinan no Deiwan bhe polīnka en madlin deinan bhe nacktien kawida adder en labbaiquoitīſnan giwa ſta aſt giwāntei aulauſē Steiſmu Piru Mijlis twaian Tawiſen kai tien ſubban enſteſmu wirdai aſt wiſſai pallaipſai entenſītei Bhe enlāikuti ſen madlan prei wiſſans ſmunentiuaus Erains mukinſuſin ſwaian mukinſnan Tīt wīrſt labbai ſtalliuns enſtan buttan . Ains Sallūbs Laiſkas Kai ſtas en noūſon Kīrkis teikūſnan ſtalle Powackīſna Bhe Quoitē po Deiwūtiſkan Enteikūſnan preiſtan Swintan buſennien ſteiſe Salaūban kackint Pallapſe prei ſtanſubban ainan peronin Crxtiāniſkan madlin kai ſtai ſchian Crixtiāniſkan Salūbiſkan buſennien en Deiwas Emnen enlaipinne bhe Deiwutiſkai prei Deiwas girſnan wangint maſſi bhe ickai ainonts ēnſtan turīlai preiwaitiat ſtas ſegē ſtan en kērdan adder tuſſīſe panſdau bhe etlāikuſin deickton prei kitawidintunſin priki ſtanſubban prei īmt Deiwas daſe ſteimans ſwaian etnīſtin Stai Salūbſna pirſchau Kīrkin Quoi tu prei twaian Salubiſkan Salūbin turrit Kaden ſtai abbai ia ettrāi Tīt turri ſtas Lūbeniks ſteimans tals gerdant titet Stankīſman ious prēiſtan ſwintan bauſennien ſteiſe Salūban kakīnt bhe kai ious ſtan ni ſchlāit iſſpreſnan ſteiſon wirdan Deiwas ſegijtei kāigi ſtai nidruwīngi Tīt kīrdeiti en Pirmannin ſtan wirdan Deiwas kāigi ſtas Sallubai buſennis eſſe Deiwan enſadints aſt Tīt peiſai Moiſes en pirmannien laiſken en anterſmu ſklaitinſnan Bhe Deiws Rikijs billa Sta aſt ni labban kai ſtas ſmunents ains aſt As quoi ſteſmu ainan pogalban teckint kawida ſurgi tennen boūſei Stwi dai Deiws ainan gillin maiggun krūt noſtan ſmunentinan bhe tans iſmigē bhe immats ſwaiſe grēiwakaulin ainan bhe pertraūki ſtan deickton ſen menſan bhe deiws Rikijs kūra ainan gennan eſſeſtan Greiwakaulin kawijdan tans eſſe ſteſmu ſmunentin immats bhe weddēdin prēiſtan Stwi billa ſtas ſmunents ſta aſt ainawijdi kaulei eſſe maians kaūlins bhe menſā eſſe maian menſan ſtwi wīrſti dien wijrinan billīuns ſteſſe paggan kai tenna eſſe wijrau imtā aſt Steſſe paggan wīrſt ains wirs ſwaian Tawan bhe mūtin powiērpuns bhe en ſwaiaſmu gennan kabīuns bhe ſtai wīrſt boūuns ains menſas Panſdau wartinna ſin tans prei abbans bhe enwaitia tennans Titet Stankīſman kai ious wans abbai ēnſtan Salaūbai boūſennien podāuns aſtai en Deiwas Emnen Tīt kirdijti en Pirmannien ſtan pallaipſan Deiwas noſchan bauſennien Tīt billa Swints Pauli Jous Wijrai milijti ioūſans Gennans kāigi Chriſtus milijuns aſt ſtan perōnin bhe aſt ſien ſups pērſtan dāuns Noſtan kai tans tennan Swintina bhe aſt tennan Skijſtinnons praſtan vndas ſpagtan ēnſtan wirdan Noſtan kai tans ſtan ſebbei pogattewinlai ainan pijrin Quai Rikijiſkai baulai Quai niturrīlai ainontin mīlinan adder ſenſkrempūſnan adder ſteiſon deicktas Schlait kai ſtai Swintai bouſei bhe niebwinūtei Tīt turri dijgi ſtai wijrai ſwaians gannans milijt kāigi ſwian ſubban kērmenen kas ſwaiau Gannan milē ſtas mile ſien ſubban beggi niaintonts aſt ainontinreiſan ſwaian ſubban menſan dergēuns Schlāits tans maitā ſtan bhe kūnti ſtan Ainaweydi kaigi ſtas Rikeis ſtan perōnin Stai gannai bouſei pomeſton ſwaain wijrin kāigi ſtēſmu Rikijan Beggi ſtas wijrs aſt ſteiſei Gennas gallū Ainawīdai kai Chriſtus ſta gallu aſt ſteiſon perōniſkan Bhe tāns aſt ſwaiſe kermenes pogalbenix Adder kāigi ſtai perōni Chriſto aſt pokluſman Tīt dijgi ſtai gannai ſwaimans wijrimans en wiſſans poweiſtins Prei Anterſmu kirdijti dijgi ſtan ſkrijſin kawīdan Deiws noſchan bauſennien laſſīnnuns aſt Tīt billa Deiws prei Gennan as quoi tebbe toūlan Gulſennin teickut kantou ſen brendekermnen poſtāſei Tu turri ſen Gulſennien malnijkans gemton bhe twais quāits turri twaiāſmu wijran pomeſts baūton bhe tāns turei twais Rikijs bout Bhe prei Wiran billa Deiws Stankīſman kai tou aſſai klauſiuns ſteſmu tārin twaiaſei Gennan bhe īduns eſſe ſteſmu garrin Eſſe kawīdſmu as tebbei laipinna bhe billai Tu niturei eſſe ſteſmu īſt Perklantīts bouſe ſtas laucks twaiſe paggan Sen Alkīniſquai turei tou tien noſtan pomaitat kuilgimai giwaſſi kaāubri bhe ſtrigli turrei tans tebbei pijſt Bhe turei ſtan Sālin noſtan laukan iſtwei En prakāiſnan twaiſe proſnan turri tu twaian geitin iſtwe ſtu ilgimi kai tu etkumps prei ſemman poſtāſei eſſe kawīdſmu tou animts aſſai beggi tou aſſe ſemmē bhe turei prei ſemmien poſtātwei Prei Tīrtſmu Tīt aſt ſta ioūſan Glands kai ious waiditi bhe druwētei kai ioūs bouſennis pirſdau Deiwan enimts bhe ebſignāts aſt Beggi titet ſtalli peiſāton Deiws teikū ſtan ſmunentin ſebbei ſupſmu en pruſnanpolīgon ia prei pruſnas polīgun Deiwas teiku tāns tennan Tāns teiku tennans Ainan wijrikan bhe Gannikan bke Deiws ſignai tennans bhe billāts prēidins ſeiti weijſewingi bhe tūlninaiti wans bhe erpilninaiti ſtan ſemmien bhe tickinnaiti ioumas ſtanſubban pomettewingi Bhe rikauite kirſcha ſuckans en iūrin kirſcha ſtans Pippalins pō Dangon bhe kirſcha wiſſans ſwīrins kas noſemmien līſe Bhe Deiws endeirā wiſſan kan tans bei teikūuns bhe dereis ſtwi ſta bēi wiſſan ſparts labban Steſſepaggan billā dijgi Salomon kas einan Salaūbaigannan aupallai ſtas aupallai ainan labban powijſtin bhe kniēipe ſignaſſen eſſe Rickijan Quoitēti ious teinu ſtawijdan Auſaudīſnan bhe ſkallīſnan ains anterſmu laikūt Tīt dāiti ains anterſmu ſtans prēipīrſtans bhe rānkans Panſdau turei ſtas Lūbnigs prei Grandan billīt Gerbais pomien titet As imma tin māim prei ainan Salūbin bhe tankinne tebbe maian Crixtianiſkan auſchaudīſnan tien niqueigi prei powiērpt Preikawidan mennei Deiws galbſe Titet digi prei Mārtin Schan Sallūbiſkan ſkallīſnan kawijdan ious ſtwi pirſdau Deiwan bhe ſwaiāſmu perōnien ains anterſmu taukinnons aſtai Podrūktinai as is polaipinſnan ſtēiſon Crixtianiſkan perōnien bhe billi wans Salūbiſkai emperri en Emnen Deiwas ſteſſe Tawas bhe ſteſſe Soūnas bhe ſteſſe Swintan Noſeilis Aman Ka Deiws emperri ſendāuns aſt ſkan turei niains ſmunents ſklaitint Noſtan turei ſtas Lūbeniks tittet kirſcha ſtans Madlit O Deiwe Rikijs kas tou Wijran bhe Gannan teikūuns bhe prei ſallaūbiſkan enteikūuns ir prēiſtan ſen Wēiſin ſteſſe ker menes ebſignāuns bhe ſtan Sacramentan twaiſe mijlas Soūnas Jeſu Chriſti bhe ſteiſei kīrki ſwaiſe mārtan enſteſmu ebſentliuns Mes madlimai twaian grunt powīrpingin labbiſkan tu quoitīlaiſi ſtawīdan twaian teikūſnan enſadinſnan bhe abſignaſnen ni dāt kumpint neggi pogadint ſchlāits etnijwingiſku en noūmans popeckūt pra Jeſum Chriſtum nouſon Rikijan Amen Deiws daſe ioumas ſwaian packun Amen Stas Crixti Lāiſkas Sta Enteikūſna kai Prūſiſkai turri Crixtitwi Stas Paps adder Crixtnix billē Stwi aſt nūmas ains malnijkixs perpīſts bhe ſteſſepaggan poquoitīton kai tāns ſteſmu madlin peroniſkan Crixtiāniſkun kijrkin enlaipints bhe no enteikūſnan bhe enſadinſnan Jeſu Chriſti Crixtits poſtānai Kai mes adder waiſnan pogaunimai is kawijdſmu gruntan Deiwūtiſkan peiſālin mes mans ſchiēiſon malnijkikai enimmimaiſin bhe ſtan praſtan madlin Deiwas proſnan preiſtattinnimai bhe dei tennan etnīſtis bhe Dāiai ſteſſes Crixtiſnas madlit turrimai Titet dāiti nūmans kirdīt ſtan Ebangelion eſſe ſtans malnijkikans kāigi ſtan Swints Marx en Deſſīmton aſt popeiſauns Enſtan kērdan perpīdai tennei malnijkikans prei Jeſum kai tāns tennans turrīlai enkauſint Adder ſtai maldaiſei driāudai quai tannans perpīdai kaden adder Jeſus ſtan widdai poſtan tans niquāitings bhe billāts prei tennans Dāiti ſtans malnijkikans prēmien perēit bhe nidraudieiti ſteiſon beggi ſtēimans aſt ſtas Rīki Deiwas Perarwi as gerdawi iūmans kas ſtan rīkin Deiwas ni pogauni kāigi ains malnijkix ſtas ni wīrſt ēnſtan pergūbans bhe tans poglabūdins bhe laſinna rānkan nodins bhe ebſgnādins. Mijlas ginnis mes kīrdimai is ſchiſmu Ebangelion kāigi ginnewīngiſkan ſien ſtas Soūns Deiwas noūſon mijls rikijs Jeſus Chriſtus prīki ſtans malnijkikans waidinnaſin ſēnku tans ackijwiſtu bhe perarwiſku prei iſſpreſtun dāſt en kawijdſei debijkun nautin bhe wargan ſtai gurijnai malnijkiku embadduſiſi bhe kai tennei ſtwendau ſlāit Deiwas ſchklāitewingiſkan etnīſtin bhe engraudijſnan nimaſſi iſrankīt poſtāt bhe mes kīrdimai dijgi ſchklāits deininiſkan is Deiwas wirdan ſerrīpimai dijgi abbaien en noūſon gijwin bhe aulauſennien kai mes eſſe adam wiſſawidei en grīkans pogautei bhe gemmons poſtānimai Enkaſmu mes tijt po Deiwas nertien en prābutſkan perklantīt bhe iſmaitint turrīlimai boūt kaden noūmas ni praſtan ainangimmuſin Soūnan Deiwas noūſon mijlan rikijan Jeſum Chriſtum iſſtwendan pogalbtou boūlai Stankīſman tēnti ſchis emprijkiſins malnijkinks en ſwaiai pērgimie empolijgu grīku en mattei kaigijgi mes erdērkts bhe niſkijſtints aſt ſteſſepaggan tans dijgi ſtēiſon prābutſkan gallan bhe perklantīſnan boūt bhe polāikt turrīlai Teinu adder Deiws Tāws wiſſas etnīſtis bhe engraudīſnas ſwaian Soūnon Chriſton ſtēiſmu gāntſan ſwītan bhe tīt dijgi ſteimans malnijkikamans ni maſſais kai ſtēimans vremmans potaukinnons bhe pertengginnons aſt kawijds dijgi ſteſſe gāntſas ſwitas grijkans aſt pūdauns bhe ſtans gurīnans malnijkikans ainawīdai titet kai ſtans vrans eſſe grīkans Gallan bhe perklantīſnan iſrankīuns bhe deiwūtai potickinnuns bhe polaipinnons kāidi tennans prēidin perpīdai kai ſtai abſignātai poſtanai Steſſepaggan paſkollē bhe madli as wans wiſſans quai ious ſchai empijrint eſtei is Crixtianiſkun mijlan bhe auſchaudiſnan kai ious ſtūrnawingiſku prei ſīru immati bhe ſen ſeilin pomīrit quoitēti en kawīdſu debijkan powargſennien bhe nautien ſchis malnijkiks ſwaias prēigimnis bhe pērgimnis paggan embadduſiſi Sen iſſpreſſennien kai tāns aſt ains malnijks ſteiſan grīkan ſteiſes nierties bhe nieteīſtis bhe kai ſteſmu nimaſſi kittawidin pogalbton boūt ter kai tans praſtan Crixtiſnan is Deiwan naunagimton bhe eſſe Deiwan en ainaſſei malnijkas deicton eſſe nouſon Rikijas Jeſu Chriſti pauſan enimts poſtānai Noſtan ſubban tījt quoitīlaiti ious wans emprīkiſentiſmu malnijkikun pirſdau Deiwan ſteiſmu Rikijan ſen ſtūrnawiſkan enimton ſtanſubban ſteīſmu rikijan Chriſtu preipīſt bhe madliton Tāns quoitijlai ſtan prei etnīſtin enimt ſteiſmu ſwaians grīkans etpwērpt bhe per ainan draugiwaldūnen ſteſſes prabutſkas Dengniſkans labbans erſinnat dijgi ni ains eſſe ſtēiſan pikullis warrin kawīdsmu ſtes ſtēiſon grīkas paggan pomeſts erkīnina Schlāit dijgi proſton Swintan Nuſeilin ſpartint kai tāns ſteſmu prēiſiki en gijwan bhe aulauſennien dīrſtlan emprijki ſtallīſnan ſiggīt bhe enſteſmu prei Deiwūtiſkan epwarīſnan erlaikūt maſſi poſtāt Daiti noūmans tīt madlīt O Wiſſemuſīngis Prābutſkas Deiws ains Taws noūſon Rikijas Jeſu Chriſti mes enwackēmai tien kirſchan ſtan twaian ſchlūſnikan kawīds ader kawida ſtan Dāian twaiſai Crixtiſnan madli bhe twaian prabutſkan etnīſtin praſtan Naſeilliwingiſkan etgimſannien poquoitēts immais ſten enſai rikijs kāigi tu aſſai billīuns Madliti tijt wīrſtai ious immuſis Laukijti tijt wīrſtai ious aupalluſis klumſtinaitai tijt wīrſt ioumus etwiriuns Tijt kackinnais teinu Prābutſkas Deiwa twaian labbiſkan bhe etnīſtin ſteſmu kas ſtwi madli bhe etwer adder kērſchanſchantwaian ſchlūſnikin adder tennan adder ſteſſiei quai reis ſtan wartin ſteſmu kas ſtwi klumſtinai kai ſtas adder tenna ſtan Prābutſkan ebſignāſnan twaias Dengniſkas ſpagtas ſengijdi bhe ſtan potaukinton Rīkin twaiſei etnīſtin engaunei pra Chriſtum Jeſum nouſon Rikijan Amen Daiti noumans tālis Madlit Wiſſemuſīngis prābutſkas deiws kas tuo aſſai praſtan auſkandinſnan ſwitas notwaian drūcktawingiſkan līgan ſtan nidruwīntin Swītan perklantīuns bhe ſtan Druwīngin Noe ſubban Aſman no twaian debijkan engraudīſnan iſlaikūuns bhe ſtan pertrincktan Pharao ſen wiſſan ſwaieis en vrminan iūrin auſkandinnons bhe twaian amſin Jſrael ſauſā praſtan prawedduns ſenkawīdſmu ſien ſpagtun twaiſei Swintan Crixtiſnan pareiīngiſkai ebſentliuns bhe enwaidinnons ſteſmu polīgu pra ſtan Crixtiſnan twaias mijlas malnikas nouſon Rikijs Jeſum Chriſton ſtan Jordānen bhe wiſſans vndans prei Deiwūtiſkan auſtkandinſnan bhe laimiſkan aumūſnan ſtēiſan grijkan ſwintinninuns bhe enſaddinnons Mes Madlimai tien pra ſtan ſubban twaian gruntpowīrpun engraudīſnan tau quoitīlaiſi ſten etnīwingiſkai endyrītwei bhe ſen tickran druwien en Noſeilien epdeiwūtint bhe poſpartint adder ſteiſiei quai adder ſtan Bhe kai praſtan rettīwingiſkan auſkandinſnan en tenneſmu auſkiēndlai bhe ſemmai ēilai wiſſan ka ſteſmu eſſe Adam engemmons aſt kai tans dijgi is ſteſmu gīrbin ſteiſon nidruwīngin iſklaitints ēnſtan Swintan Arcan ſtēiſon Crixtiāniſkun ſauſai bhe ſenpackai polaikūts Ainat garrewingi en Noſeilien Weſſals en podruwīſnan twaiſmu emnen ſchlūſilai Noſtan kai tāns ſen wiſſamans Druwīngimans twaiſei potaukinſnas Prabutſkan gēiwan ſengidaut muſīlai pra Jeſum Chriſtum nouſon Rikijan Amen Daiti noūmans dijgi gērbt ſtan madlin kawijden noūmas noūſon Rikijs Chriſtus ſups mukinnons bhe polaipinſnan dāuns prei madlit bhe ni ter ains wiſſan noūſon bhe ſtēiſon malnijkas prewerīngiſkan enſtēiſmu poteikūuns Schlāits dijgi ſenſteſmu noūmans arwiſkai poklauſijſnan potaukinnons aſt. Gerbaiti ſtan Tawe Nouſon. adder ſteſſie adder tennēi adder tennā adder tanna Stas Rikijs pokūnti twaian Eneiſſannien bhe iſeisennien Eſteinu er en prābutſkan Mijlas ginnis en Chriſto ſtan kīſman kai ioūs eſſe ſteiſei Pauſon aſtai poquoitīuns kai tāns ēnſtan emnan Jeſu Chriſti Crixtits bhe praſtan Crixtiſnan ēnſtan Swintan perōnien Deiwas amſis enimts bhe enkermenints poſtānai Tīt aſt ioūmas kāigi Crixtiānimans niauklipts kāi kawīds ſien prēiſtan perōnin Crixtiāniſkan kīrkin podāſt ſtas endāſt ſien en ainan Noſeilewingiſkan kariauſnan enkawīdſmu mes ni ſen menſan bhe krawian ſchlaīts ſen ſteſmu wargan noſeilien ſtans deinans noūſon gijwis ſchien noſemmien preiūlint turrimai kawīdan kariauſnan mes dijgi ſchlāit tickran Drūwien en Deiwan Tawan Saūnan bhe Swintan Noſeilien ni iſſtallīt masſimai adder ſteſſies adder tenna Noſtanſubban ſtenkijſman ioūs wans is Crixtiāniſkan mijlin bhe ginniſkan ſchiſſes niaubillīntis enimmans bhe ſtallēti pērdin en ſchiſman ackewijſtin Krixtiāniſkan aſtin Tyt quoitijlaiti ioūs mennei en ſteſſei deicktan attrātwei Sēnku akiwijſti poſinnāts wīrſt nokan tāns Crixtits poſtānai ni emprīkinblli tou ſtēiſmu Pikullan Attrāiti Ja as emprijkin billi Bhe wiſſan tennēiſan dijlan Attrāiti Ja as emprīkin billi Bhe wiſſan tennēiſan bauſennien adder ſchiſſai nianbillintai adder en ſteſſias adder tennā Attrāiti Ja as emprijkin bille Druwē tu en Deiwan tāwan Wiſſemukin kas aſt teikūuns dangon bhe Semmien Attrāiti Ja as Druwe Druwē tu en Jeſum Chriſtum ſwaīan ainangeminton Sounan noūſon Rikijan kas pogauts aſt eſſe Swintan Noſeilin gemmons eſſe ſtan ſkijſtan iumprawan Marīan Stīnons po Pontio Pilāto Scrijſits Aulauuns bhe enkopts Semmai līſuns prei Pickullien en tīrtian deinan etſkīuns eſſe gallan vnſei gūbans nadangon Sīdans prei tickrōmien Deiwas ſteſſe wiſſemukin Tāwas Stwendau wīrſt pergūbons preilīginton ſtans geīwans bhe Aulauſins Attrāiti Ja as Druwē Druwē tu ēnſtan Swintan Noſeilin Ainan Swintan Crixtianiſkan kīrkin aīnan perōniſkan Swintan Etwerpſennian grīkan bhe ainan Prābutuſkan geīwan Attrāiti Ja as Druwē Quoi tu noſtan Crixtits poſtāt Attrāiti As Crixtia tien ēnſtan Emnan Deiwas Steſſe Tāwas Bhe ſteſſe Soūnas Bhe ſteſſe Swintan Noſeilis Stas Wiſſemuſīngis Tāws noūſon Rikijas Jeſu Chriſti kas tien kittewidiſkai praſtan vndan bhe ſtan Swintan Noſeilien gemmans bhe tebbei wiſſans twaians grikans pra ſwaian mijlan Soūnan noūſon Rikijan Jheſum Chriſton etwiērpons aſt ſtas ſpartinno tien ſen ſwaian etnīſtin prei Prābutſkan geīwan Amen Jous milijtai en Chriſto Jheſu ſtan kīſman ſtas wiſſemukin Deiws ſchien Malnijkan prēiſtan Crixtiſnan Noūſan mijlas Rikijas Jheſu Chriſti aſt etnīwings pereit dāuns turrimai mes tenneſmu Pogirſchnan bhe Dinkauſnan billītwei bhe madlit kai tāns ſebbei quoitīlai ſtan malnijkikan en wiſſan etnīſtin polaipinton dat bout Bhe billītei pōmien tittet Wiſſemuſīngis Engraudīwings Deiws bhe Tāws Mes billēmai tebbei pogirſnan bhe dīnckun kai tu twaias kīrkis etnīwingiſkai iſlāiku bhe tūlninai bhe ſchiſmu Malnīku polīkins aſſei kai tāns praſtan Swintan Crixtiſſennien etkūmps naunagemmans Bhe twaiāſmu mīlan Soūnan noūſmu Rikijan bhe aineſmu Rettēnikan Jeſu Chriſtu enkērminints twais malnijks bhe waldūns twaiſei Dengenneniſkans labbans poſtāuns aſt Mes madlimai tien gantzei pokluſmingiſkan kai toū ſchien malnijkan kas teinū toūls twais malneyks poſtāuns aſt prei ſtēiſei pogauton labbaſeggīſnan Etnīwingiſkai pakūnſt quoitīlaiſi prei Pogirrien bhe Teiſin twaias Swintan Emnen tans dijgi noſtan vcka iſarwiſkai bhe Deiwa deiwūtſkai poaugints poſtānai bhe enwāngiſkan ſtan potaukinton weldīſnan en Dengan ſen wiſſans Swintickens engaunai pra Jeſum Chriſtum Amen Stas Rikijs ebſignāſi wans bhe pokūnſi wans Stas Rikijs poſwāigſtinai ſwaian Proſnan kirſchewans bhe boūſe ioūmas etnijwings Stas Rikijs erlāngi ſwaian Proſnan nowans bhe dāſai ioumas packaien AMEN .