brh6:

[vasconica]

* Gindár bilsum ámbár amo coŧ ingá páŧ te pára aráftá zí á gidán ná paŧŧ áte şáģingik o gidán e baş kanningik. Laozánk o Cágiŕd aŧí jága Matal as e ki: Duz ki duzzí tittav, gindár e biŧik Xalkí o şaer as e: Gindár as guđđásun, gidán kin, pálun e Bolán ná val teŧí mandar ná álum e Gindár Bandok dask aná amo pullí á laŕí te pára aráfte ki gidán ná taeŧí zebáí kin gindár teton tafingik. Gindár Manjí amo ciŧŧ áte pára aráfteaŧ gindár ná zíá gidán e tafira. Giŕges gidán ná dámon emon tiroká amo miş te pára aráfte pir aná dír e toning kin laŧŧ ámbár joŕ kera. Gok gok, amo sádár, e pánińgik, ará xuárí ná evazán aŧí tinińgik, lass xalkat, ná isáb o kitáb ná rid aŧ, dah  sádár(meļ, bagg, gorrum, mehí) ná ziá asi "Gok" as tinińgik. Gok aná mána e pen sarpand mannińg kin "zoba" e unnińg e. Avála ģák "Bráhuí náma", Abdul Rahmán Bráhuí, panna "Laoz átá şondárí", Liákat saní, panna,            şon adabí díván koŧá. Guaffta ná bárav aŧ Bráhuí bolí ŧí asi cácá as pára ki, “áŧ áŧe, páŧ áŧe, xavá xrás á ŧe”. Guaffta ná pin Bráhuí laoz , “Guafińg” án peş tammáne, ará ná matlab zebáí kin káŧum ná puźźa (mahpar, píşkav, guáp), Rotk, dask yá tár áte asi elo ŧí aviŕda kannińg e. Naná dodrubeda o sakáfat ná dá kul án bhallá nişání, aeno am phaválí á xalkat kin asi kárxána ase ná bistár o aesíate tixik. Antae ki Guaffta ná kumak aŧ naná phaválí o gidání á xalkat tená túļ o baş akin báz á gurj o zarúrat ná giŕá o vádání te joŕ kera, andun amo xalkat ná ar asi xáot áteŧí Guaffta guaffoko bandaģ am zarúr sáŕí marek. Laozánk aŧí bistár Phaválí o Gidání á xalkat ná búdoberişt, túļobaş o zind aná ar pahr o pás guaffta o dáŕán joŕ maroká giŕá tito tammáne o dáftián guácí massune. Phaválí zind aná dá cass o kaefíat Bráhuí şaer áteŧí mudám sogav karissa darşán kannińgáne. Dunki, asi Xalkí o Ŧappo ase ŧí guaffta ná zikr dun barek: Guaffta as tixáne vaŕe ta túra kek Ust aná daŕd áte Allá Sáńí púra kek (Xalkí Ŧappo) Andun dásá ná Bráhuí púskuná şáirí ŧí am guaffta, gidán, raxt, konŧ o andá bábat elo giŕá tá zikr marek. Dunki: Ust aná í Guaffta ģá, ná mher aná Konŧ e guaffeŧ Val val aŧí zulf aná ná, í tená uste taffeŧ  Guaffta ná başx ák Guaffta guaffińg kin, guaffoká Niáŕí ná láixí o mehnat án bedis, ará giŕák guaffta ná droşum joŕ kannińg kin allamí marera ofk dávaŕo Tirikkal (Ŧirikkal) Tirikkal (Ŧirikkal) şaş fuŧ yá bandaģ ná xadr án buŕz amo musi páŧ te pára aráftá káŧumk asi elo ŧí tafok marera. Tirikkal e guaffta ná niám aŧí andun jik saliffińgik, ará muccá guaffta e brebar torik, o tanista te trund tixik. Guaffta ná dá káŧum káŧum aŧí tafoká musiŧ ińgá páŧ te Sáráván aŧí Tirikkal o Jáláván aŧí Ŧirikkal pára. Puxtú Puxtú irá páŧ marera ki guaffta ná pataní ná kacc aŧ marera. Dáfte đaģár án zaras buŕzá guaffta ná dá káŧum o ae káŧum ŧí tafira. Kárem vaxtá rást kunđán puxtú e mex teton áxta kanningik. Andun capp kunđ aná puxtú ŧí irá ciŧŧ tafisá cikkingik, valdá mex teŧí sogav tafingik. Dáŕán aŕtomá puxtú tá niám aná tanista (murģuní) á tálán rotk ák cikkok salira. Gula Gula guaffta ŧí amo irá páŧ e pára ki maroká kárem ná pánád ná kacc aŧ marera. Gula ģáte asi elo án macciŧ murr guaffta ŧí tálán á rotk átá niám aŧí şáģira, andá vaŕaŧ ki giŕás rotk zí á o giŕás keraģ án marera. Makaŕí ŧí tafoká ciŧŧ ák şef tená barábarí á gula ģátá niám aŧí şáģingira. Guaffta guafoká ará vaxt ki makaŕí e moní yá padí kek to asi gula şef o elo buŕzá marisá kek. Andá vaŕaŧ rotk átá şef o buŕz manning án amo kárem moní inisá kek, o saxt marisá o guafingisá kek. Makaŕí Makaŕí páŧ ase ki guaffta ná tirikkal ŧí bárdán ná zíá marek, ará kárem ŧí şef buŕz marisa kek. Bárdán (Bárdár) Bárdár (bárdán) guaffta ŧí tirikkal ná irá páŧ tá niám aŧí asi jitáo páŧ as andun taffińgik, ará ná droşum A ánbár xanińgik, aráde Sáráván aŧí Bárdár o Jáláván aŧí Bárdán ná pin aŧ cára. Guaffta e dam karoká makaŕí e dá ná zí á tixińgik. Bárdár makŕí ná vazan o boj e jhallik, o báz vaxt átiá dáde luģúşt kannińg kin dáná zí á káŧumío tel şáģińgik, tánki makŕí e moní padí kannińg vaxt á subak kannińge o ásání aŧ sure. Avinda Avinda peŕok o rotk as marek ki gula o tanista ģáte avár toning kin bakár marek. Dáŕán tanista ģák siddhá salira. Avinda Şam Avinda Şam guaffta ŧí asi tanista ģán elo tanista iskán avinda ná xálí á jága (avinda ná asi rotk aná elo rotk án murrí ná kacc) e pára. Hamda (Amdam, Amdamí) Kárem ná vaxtá makaŕí e guaffta guaffoká tená kunđá cikkik. Dáŕán káremí ná kunđ aná makaŕí ná mon o gula sef marera. Dáde Hamda pára. Dam (Damí) Káremí valdá makaŕí e padí dhikka ittik to buŕz aná rotk ák şef o şef aná rotk ák buŕz marera. Dáŕton avár áxrí kunđ aná makaŕí ná mon o gula am şef kára to káremí đukk aŧ elo rotk áte málav ná rid ton xalek. Dá vaxtá gula o tanissta ná zaría aŧ kárem ŧí rid as guaffingik. Dád dam yá damí pára. Mex Guaffta ŧí kulloí aşt mex istimál marera. Iraŧ avalsar ná puxtú, iraŧ áxríko puxtú, iraŧ rást aná pánádkaş, o iraŧ capp aná pánádkaş ŧí xallingira. Dá mexk geştir asi fuŧŧ aná páŧ yá áhin ná marera. Piđđí Piđđí guaffta ná niám aŧí asi ciŧŧ as marek ki ará vaxtá ki guaffta ná kárem moná inisa kek to o guaffta ná pánád e kacc aŧ torisá kek. Resxú Resxú uşkuno pinsil ná vaŕo síx marera ki guaffta ná ciŧŧ áte cikk itting o val itting ná kárem ittira. Vaxtas ki guaffta ná rotk áte cikkoí yá sust karoí mare to andá síx te tená marzí aŧ rást yá capp á res (perí) ittira. Pánádkaş Pánádkaş guaffta ná kárem e cunak yá bhallun manning kin illipak. Guaffta guaffing ná vaxtá ará hadd aŧí ki kárem şurú mare amoŕe rást o capp kunđán irá irá mex xalera. Valdá aŕtomá kunđ aná mex tá joŕí tá niámaŧ ciŧŧ tafira. Guŕá andá ciŧŧ o guaffta ŧí aráŕe ki kárem manning e, oná ra teŧí guálaí o síla as şikk xalera. Dáŧí saxt toning kin rotk am peŕira. Dád pánádkaş pára. Andun ki kárem mustí inisá kek, dáftá jága e am badal kera. Tanissta Tanissta amo rotk áte pára ki guaffta ná murģuní á tálán marera. Dáfk rang mafasa, balki pukárok marera. Xol Xol guaffta ŧí pánádí tálán á rotk áte pára. Básal Básal guaffta ná kárem ná káŧum aŧí kás aná tiroká rotk áte pára. Dá guaffta ŧí púskun biná maroká kárem ná buniád aŧí tiroká kás aná rotk áko ki yala salira. Andáŕe ra band am şáģingik. Şadbur Şadbur guaffta ŧí avalíko o guđđíko amo rotk áte pára aráfte taŕira. Dá rotk ák puxtú teŧí saxt peŕok marera. Kopenc Kopenc guđđíko puxtú ŧí tanissta ģáte jitá jitá barobar tafing kin bakár baroká rotk e pára. Laet Laet rang tiroká rotk átá amo cunká veŕí te pára ki guaffta guaffing ŧí ásání kin o kárem aŧí nakş o nigár şáģing kin dú á xáso vaŕ ase aŧ peŕisá joŕ kanningira. Dáfteŧí ar rang aná rotk marek. Dá kás aná tharoká rotk ák marera aráfte guaffta ŧí pataní ná kunđá xalisá kerá. Laet válá rotk áte pukárepasa, balki xám irá tal kera kaşşira. Đukk Đukk guaffta ŧí kárem baroko asi xáso aozár as marek. Dáná muŧŧa asi fuŧŧ aná páŧ as marek. Niám aná başx e ta panja pára. Elo káŧum aŧí ta síx aná panc yá şaş dantán marera. Dá dantánk murģuní ŧí şaş inc o úluní ŧí nem inc as marera. Guaffta guaffing vaxtá rotk áte andáŕaŧ xalisá kára, aráŕán dask ák asi elo ton liccisá saxt marera. Kaŧúr Kaŧúr asi xáso razán as marek ki guaffta guaffing ná vaxtá tená xuŕká tixira ta. Dátí đukk yá giŕk áte tixira. Guaffta án joŕ maroká giŕák Dunto guaffta, guafińg caŧ đukkiá o kárem ase, vá am ará giŕá tekin guaffta laggifińgik, o giŕáte guððíko droşum aŧí atińg kin guaffta guaffoká e tú tá túk laggira. Şefko giŕá o váðáník guaffta guafing án joŕ marera: Gidán Bişeńk Raxt Túra Ŧáh Bedán Konŧ Şufí Pucco Keraģ Şáģok Pírámp Musulla Xuŕjín Dáfte am ur Jhallak Gidán Avála ģák Abdul Razzák Sábir, “Şípol” Bráhuí adabí súsáiŧí koŧá. Mámad Aslam Bangulzaí, “Bráhuí Mððí”, Bráhuí Akeðimí, Koŧa Mír Gul Xán Nasír Paedáiş Maí, Noşke Mark Dasumbar, Karácí Mark aná savab Makám Noşke Kaom Páindzaí, Zagr Mengal, Baloc Piní á káremk Cunák Lummabáva Mír Habíb Xán (báva), Bíbí Húrán (lumma) Dazrand Mír Gul Xán Nasír Balocistán ná pinío siyásatkár, şáir, táríxdán, o saháfí as ass. Tená zind aná geştir vaxt e Baloc rájí juhd aŧí sargaram kárkun asená bistár aŧ gidrefe. Anná juhd aŧí bház vaxt zindán aŧí bandí am kanningá. Oná táluk Balocistán ná iláka Noşke án ass. Báva ná ta pin Mír Habíb Xán o lumma ná ta pin Bíbí Húrán ass. O Páindzaí Zagr Mengal as ass. Oná şáirí ná kitáb áteŧí Gulbáng , Grand, Gulgál o Şanblák avár o. Oná likkoká Balocistán ná táríx ná kitáb aeno iskán dá sarhál á asi bávarí o sanad as lekingik. Bráhuí o Balocí ná siyálí ná bábat oná kitáb Koc va Baloc am Baloc ná mírát áteŧí lekingik. Gula guaffta ŧí amo irá páŧ e pára ki maroká kárem ná pánád ná kacc aŧ marera. Gula ģáte asi elo án macciŧ murr guaffta ŧí tálán á rotk átá niám aŧí şáģira, andá vaŕaŧ ki giŕás rotk zí á o giŕás keraģ án marera. Makaŕí ŧí tafoká ciŧŧ ák şef tená barábarí á gula ģátá niám aŧí şáģingira. Guaffta guafoká ará vaxt ki makaŕí e moní yá padí kek to asi gula şef o elo buŕzá marisá kek. Andá vaŕaŧ rotk átá şef o buŕz manning án amo kárem moní inisá kek, o saxt marisá o guafingisá kek. Guldan=e=Rahmat Niviştkár Rehmat Aziz Chitrali Sarí pin Bolí Urdu Laozánkí tankíd Şenkkár Şenk de Droşum Panna ģák Guldan=e=Rahmat Rehmat Aziz Chitrali ná nivişta karok, Urdu bolí ŧí maroká púskuná şáirí ná zíyá asi paŧ o polí jác as e. Dá kitáb e cáp karene. Guldasta=e=Rahmat Niviştkár Rehmat Aziz Chitrali Sarí pin Bolí Khowar Laozánkí tankíd Şenkkár Şenk de Droşum khowar Panna ģák Guldasta=e=Rahmat Rehmat Aziz Chitrali ná nivişta karok, Khowar bolí ŧí maroká púskuná şáirí ná zíyá asi paŧ o polí jác as e. Dá kitáb e cáp karene. Guárám Baloc táríx ná asi kirdár as rahengáne. Láşárí tuman ná sardár ass. Oná daur atí Rind o Láşárí ná táríxí jheŕa mass. Dáfte am ur Cákar Seví Láşárí Bráhuí báşágal ná bíst-o-aştamíko o bunyádí ŧeđí Látíní báşágal ná aştamíko báşá e, o tene án sarjambáşá as e. Ar amo Musulmán ki sehat ta juán e Kábatulláh (Makká) ģá ining ná xarc e arfing kek, oŕá zind aŧí asi vár Hajj kanning lázum e. Hajj aná xás ingá ít áteán manaŧ as dádo ki Kábatulláh ná aft vár dángeng án aŕsengoí marek, şaetán kin joŕ karoká nişán e aft vár xal xaloí tammik o irá maş (Safá o Marvá) ná niám aŧ aft cakkar xaloí tammik. Alláh Başx ná nivişta karoká kitáb e, ará avlíko jár aŧí şeńk mass. Allá Başx ará Krácí ŧí iskúl ase ŧí Fársí xuánifeka, áŧí ná rid aŧ Bráhuí bolí e poh mannińg o dáde el kannińg kin buniádí o kitáb as gundińgik. Dáde “Bráhuí Vaŕbolí” ná kitáb as pánińg kannińg kena. Kitáb ná Áŧ ģá tálán e, dáŧí Bráhuí zabán kin muccá Bráhuí báşá gal (arf) aráteŧí Háía(amo báşák aráfteŧí aná pánińg geştir marek) tavár áton avár bráhí ná báşá nivişta o. ará teŧí Bráhuí bolí ná jitá ińgá tavár sáŕí aff. Sindí likvaŕ Andun niviştok Krácí ŧí rahińg ná savab án báhz á Bráhuí tavák, Sindhí droşum aŧ xanińgra, dunki, akin andá báşá tá zíá cár cár ŧik xaloke, andun, aná bráhuí báşá tá keraģ án irá, irá ŧik xaloke, arákán Bráhuí tavár tekin sindhí droşum allińgáne. kitáb ná Droşum ŧí Ańgrezí, pin, kárem o elo Vaŕbolí ná laoz átá Bráhuí badal nivişta kannińgáne. Kitáb ná zabán (likvaŕ) Ańgrezí o Sindhí ŧí e. Vaŕik kin giŕás Ańgrezí laoz átá Bráhuí badal dun nivişta e: Laoz o Mána Nar o Máda ná fark Alláh başx tená kitáb aŧí nar o máda ná Vaŕbolíátí fark aná darşání ná bárav aŧ dun nivişta kek, “Bráhuí zabán aŧí Nar o Máda ná fark vaxtas kudrattí e, vale dáŕkin elo zabán teánbár jitáo kánúd affak, vá am báz á pin teŧí mohlaoz(sábika) xallińg án dáftá nar mádaí darşán marek”, dunki, Nar bíş, Máda bís. Asiŧí o Báhzí ná fark Bráhuí bolí ŧí Asiŧí o Báhzí ná ará asúl e oná rid aŧ geştirí asiŧ ińgá pin tá guđ saraŧí xalińg án dáfk báhzí ŧí şumár marera. • Amo Asiŧí pink aráfk, ģá esar marera, dáftá báhzí e joŕ kannińg kin dáftá pad aŧí xallińg án dáfk báhzí ŧí barera, vaŕik kin mana laoz, Asiŧí Báhzí Xan Xańk Bá Bák Mon Mońk Dú Dúk Ullí Ullík • Amo asiŧí pińk aráfk á esar marera, oftá báhzí e joŕ kannińg kin amo e xatam karisa oná andá xallińgik, vale dá giŕá ģá lass amannáí aff ki báhzí joŕ kannińg kin amo e illiońge yá xatam kannińg e, báhátá dá xiál e ki, nivişta ŧí mare vali pánińgpae, aga andun am kannińg to xuánińgik, arátam xuánińgá to asi púskuno laoz as joŕ marek, • Guŕá ará vaŕ laoz pánińge to amo vaŕ oná nivişta ná droşum am mare, dunki, Asiŧí Báhzí Or Ok, Ork Kasar Kasak, Kasark Már Mák, Márk Dír Dík, Dírk Andun, andá asúl ná bábat aŧí Alláh Başx amo laoz átá am páik, aráfk á esar marera, o páik, ki, e xatam karisa oná jága ģá xallińge, vali, dá vaŕ kannińg yání e nivişt aŧí hatpanińg án amo laoz átá droşum ton avár avár oftá mána am badal marek, dunki, be án laoz átá báhzí Asiŧí Báhzí Nut Nuk (ģalat) Xaerát Xaerák (ģalat) Masít Masík (ģalat) Lot Lok (ģalat) Palít Palík (ģalat) Buŕzko laoz átá báhzí án, nuk, xaerák, masík, lok, palík joŕ massur aráfk púskuno laoz o, guŕá dunińgá laoz átá báhzí e joŕ kannińg kin asiŧí ná pad án “ák” aná “guđlaoz” xallińg án amo asiŧí tá saí báhzí joŕ marek, Asiŧí Báhzí Nut Nut ák Xaerát Xaerát ák Masít Masít ák Lot Lot ák Palít Palít ák Avála ģák avlíko panna avlíko şenk sál iraŧmíko şenk sál, Bráhuí Akeðmí Koŧá Ańgrezí Bráhuí Zanávar (Sáhdár) Páluneŧ Báruneŧ Brázáxt (Ílum ná masiŕ) Şáhí (irá ána) Hingláj Mandir Hingláj (Sanskrit: Hindí: Balocistán aŧí Baxxál ( Indí dín aná mannok) átá asi bház kadr válá ziárat as e, o Kşatríyá maxlúk ná Kuldeví e. Hingláj ton ganđoká kissa Kissa dá vaŕ aŧ e ki ará vaxtá ki Satí ná báva Satí á ģussa kare ki o Şivá (ki Satí ná sangat ass) e dávat aseŧí antae baŧingtane, to Satí tene uşá. Dáŕán Şivá ģussa ŧí bass o duniá ŧí tabáhí o masla kanning şurúh kare. Oná Tandáva e xatam kanning o ģussa e ta şef şáģing kin Vişnú Satí ná badan e arfe o ŧukur kare o caģal tiss. Oná badan ná ŧukkurk tíva duniá ŧí tálán massur, o káŧum ta Balocistán aŧí Hingolá yá Hingláj ná jága ģá bass tammá. Andá xátirán dá jága Şaktí Pít átá ģuŧŧ án ziát kadr válá jága lekingik. Rámáyaná kissa ŧí Rám ará vaxt ki Ravána e kasifik to Bráhmin ase kasifing ná tená gunáh te silling yá murr kanning kin Hingláj á bass. Ravána asi Bráhmin as assaka o Şivá o Durgá ná mannok as ass. Rám Hingláj aŧí ibádat kare antae ki dá bház kadr válá ziárat as ass. Arási mantar ki Deví Hingláj kin xuáningik od Dadhící ná piná kinningáne ki Indí dín aná piní o valí as lekingik. Mantar dá vaŕ aŧ e: Hisáb (Ridband) Isábkitáb Hájí Şár Balocistán ( Pákistán) ná Kaccí iláka ná şár as e. Dá Şáhvání tumandár ná hanken rahengáne. Kadrí á hand ák Dil Şáh Núr Şáh Sultán Şáh Dáfte am ur Kaccí Náŕí Bálá Náŕí Híroşímá Jápán ná şár as e. á, Amríká ná Baddhí Riyásat asi julav aseŧí Híroşímá ná şár á aeŧam bamb as xassá. Dáŕán bandaģ kaskur o hazár ák pen ŧappí massur. Musi de án ta pad Amríká ná Baddhí Riyásat asi pen aeŧam bamb as Nágásákí ná şár á xassá, arásiŧ án pen bandaģ xallingár. Dá aŕtomá julav ák insán ná táríx aŧí aeŧam bamb ná jang aseŧí avalíko o guđđíko kárbandík o. Dá julav átián pad, Jápán beşart jang aŧí bá tining ná paŕav e xalk, o andun Iraŧamíko Jihání Jang esar mass. *